Eýropalyq odaq keńesi Reseige qatysty sanktsiialyq tizimge engizilgen 3 myńnan astam jeke jáne zańdy tulǵaǵa qarsy shekteý sharalaryn taǵy úsh jylǵa uzartý týraly sheshim qabyldady, dep habarlaidy dalanews.kz.
Keńestiń málimetinshe, shekteýler 2029 jylǵy 22 qyrkúiekke deiin kúshinde bolady. EO bul sanktsiialardy Ýkrainanyń aýmaqtyq tutastyǵyna, egemendigi men táýelsizdigine qaýip tóndirdi nemese oǵan nuqsan keltirdi dep sanaityn tulǵalarǵa qatysty qoldanyp otyr.
Qazirgi tańda sanktsiialar 3 myńnan astam jeke jáne zańdy tulǵany qamtidy. Olarǵa Eýropalyq odaq aýmaǵyna kirýge nemese onda erkin qozǵalýǵa tyiym salý, aktivterin buǵattaý, sondai-aq sanktsiialyq tizimdegi adamdar men uiymdarǵa qarjy nemese basqa da ekonomikalyq resýrstar berýge shekteý qoiý sharalary engizilgen.
Sonymen qatar sanktsiialyq rejimdi qaita qaraý aiasynda EO keńesi úsh jeke tulǵa men bir zańdy tulǵaǵa qatysty sanktsiialardy uzartpaý týraly sheshim qabyldaǵan. Budan bólek, qaitys bolǵan úsh adam sanktsiialyq tizimnen shyǵaryldy.
Alaida qujatta bul adamdar men uiymnyń ataýy kórsetilmegen. Olardyń esimderi men uiym ataýlary keiinirek Eýropalyq odaqtyń resmi jýrnalynda jariialanady.
