Eýropalyq odaq Reseige qarsy qabyldanǵan 21-sanktsiialar paketi aiasynda Qazaqstanda tirkelgen eki kompaniiany eksporttyq baqylaý kúsheitiletin uiymdar tizimine engizdi. Olar – Astanadaǵy "TaýKZ" jáne Petropavldaǵy "KBR-Tehnologii", dep habarlaidy dalanews.kz.
EO-nyń málimetinshe, atalǵan kompaniialar Reseidiń áskeri-ónerkásiptik keshenimen bailanysy bolýy nemese Reseige qatysty eksporttyq shekteýlerdi ainalyp ótýge áser etýi múmkin degen kúdikke ilingen. Osyǵan bailanysty endi bul uiymdarǵa Eýropadan qos maqsattaǵy taýarlar men tehnologiialardy jetkizýge qatań shekteýler qoiylady. Olardyń qatarynda mikroelektronika, sandyq baǵdarlamamen basqarylatyn stanoktar jáne jartylai ótkizgishter óndirisine arnalǵan jabdyqtar bar. Alaida EO qujatynda qazaqstandyq ár kompaniiaǵa qatysty naqty dálelder keltirilmegen.
Bul sheshim Qazaqstannyń ózine nemese eldiń bank júiesine qarsy sanktsiia engizilgenin bildirmeidi. Shekteýler tek atalǵan eki kompaniiaǵa qatysty qoldanylady. Olar Qazaqstanda qyzmetin jalǵastyra alady, biraq Eýropadan jabdyq, tehnologiia jáne osyǵan bailanysty qyzmetterdi satyp alý aitarlyqtai qiyndaidy.
Sonymen qatar sarapshylar mundai shekteýlerdiń janama saldary bolýy múmkin ekenin aitady. Sanktsiialyq tizimge engen kompaniialarmen jumys isteitin bankter, saqtandyrý uiymdary, tasymaldaýshylar men sheteldik seriktester tólemderdi uzaq tekserýi, qyzmet kórsetýden bas tartýy nemese yntymaqtastyqty toqtatýy yqtimal.
Aita keteiik, bul eki kompaniia buǵan deiin de halyqaralyq sanktsiialarǵa ilingen. "TaýKZ" 2024 jyldyń qarashasynda Ulybritaniianyń sanktsiialyq tizimine ense, "KBR-Tehnologii" 2024 jyldyń maýsymynan beri AQSh sanktsiialaryna engizilgen.
