Qazaqstan men Ulybritaniia jáne Soltústik Irlandiia Birikken Koroldigi eńbektegi qanaý men zańnamany buzýǵa qarsy kúres jóninde yntymaqtastyq týraly memorandýmǵa qol qoidy, dep habarlaidy Dalanews.kz.
Qujat Londonda ótken “Qazaqstan – Ulybritaniia” strategiialyq dialogy aiasynda Qazaqstan Respýblikasynyń Eńbek jáne halyqty áleýmettik qorǵaý ministrligi men Ulybritaniianyń eńbektegi qanaý men zańnamany buzýǵa qarsy is-qimyl qyzmeti arasynda jasaldy.
Memorandýmǵa Qazaqstannyń syrtqy ister ministriniń orynbasary Roman Vasilenko men Ulybritaniianyń Eýropa, Soltústik Amerika jáne shet elder isteri jónindegi memlekettik ministri Stiven Daýti qol qoidy.
Memorandým aiasyndaǵy negizgi kelisimder:
• Ulybritaniia aýmaǵynda qazaqstandyq azamattardy ýaqytsha jumysqa ornalastyrý sharttary men rásimderi boiynsha aqparat almasý;
• Qazaqstannan Ulybritaniiaǵa eńbek migranttaryn jiberetin jeke jumyspen qamtý agenttikteriniń qyzmetin baqylaý jáne qabyldaýshy eldiń zańnamasyna sáikestigin tekserý;
• Qazaqstan azamattarynyń Ulybritaniia aýmaǵynda eńbek jáne áleýmettik quqyqtarynyń saqtalýyn qamtamasyz etý, onyń ishinde Tier-5 maýsymdyq jumys vizasy (Seasonal Worker Visa) aiasynda zańdy qorǵaý sharalaryn kúsheitý;
• Qajetti kásiptik daiarlyq jáne suranysqa ie jumysshy mamandyqtar týraly ózara aqparat almasý.
Bul memorandým Qazaqstan men Ulybritaniia arasyndaǵy eńbek quqyqtaryn qorǵaý salasyndaǵy yntymaqtastyqty nyǵaitýdyń mańyzdy qadamy.
