Endi qazaqstandyqtar týý týraly kýálikti HQKO-ǵa barmai-aq ala alady, - dep habarlaidy Dalanews.kz.
Ádilet ministrligi 2025 jyly Tsifrlyq damý, innovatsiialar jáne aeroǵarysh ónerkásibi ministrligimen birlesip, «Kaspi Bank» AQ postamattary arqyly azamattarǵa týý týraly kýálikti jetkizý boiynsha pilottyq jobany iske qosýdy josparlap otyr.
Bul HQKO-ǵa barmai-aq týý týraly kýálik alýǵa múmkindik beredi.
"AHAT organdary bergen elektrondy qujattar boiynsha – týý, qaitys bolý, neke qiiý jáne nekeni buzý týraly kýálikter men anyqtamalar boiynsha elektrondyq apostildi qoldanýdy damytý josparlanýda. Jańa ózgerister azamattarǵa atalǵan qujattardy alýǵa jáne olarǵa bir ótinish sheńberinde apostil qoiýǵa múmkindik beredi. Bul qyzmetke 2025 jyldyń tórtinshi toqsanynda qol jetkiziletin bolady", - dep jazylǵan Úkimet habarlamasynda.
Sondai-aq zań kómegin kórsetý salasynda Ádilet ministrligi 2025 jyly Atqarýshylyq jazba jasaý jónindegi pilottyq jobany iske qosýdy josparlap otyr.
Ol "Biryńǵai notariattyq aqparattyq júie" aqparattyq júiesine talaptardyń daýsyz ekendigi jáne boryshty taný, boryshkerdiń jeke kabineti arqyly qarsylyq berý týraly rastaityn qujattardy salýdy, sondai-aq notariýstyń boryshkerdiń (jeke nemese zańdy tulǵa) tirkelgen jeri boiynsha ǵana atqarýshylyq jazba jasaýyn kózdeidi.
