QMDB resmi saitynda 2026 jyly qajylyq pen ýmra saparyna aparatyn týristik firmalarǵa arnalǵan baiqaý jariialandy, dep habarlaily Dalanews.kz.
Múftiiattyń qoiǵan negizgi talaptary mynalar:
«Qajylyq-2026» maýsymyna daiyndyǵy jóninde jáne naqty igere alatyn qajylyq oryndary týraly QMDB-ǵa ótinish hat joldaý;
QR qoldanystaǵy zańnamasyna sáikes berilgen týroperatorlyq qyzmetke arnalǵan memlekettik litsenziiasy jáne «Týristik qyzmet týraly» zańnyń 27-3-baby 1-tarmaǵyna sai qosymshasynyń bolýy;
Salyq komitetinde tirkelgenin rastaityn kýáliktiń jáne salyqtyń tólengenin dáleldeitin qujattardyń bolýy;
Qajylyq pen ýmrany uiymdastyrýda keminde 5 jyldyq turaqty oń tájiribesin aiǵaqtaityn qujattardyń bolýy;
QR zańdaryn jáne Saýd Arabiiasy Koroldigi tarapynan qoiylǵan talaptardy buzbaýy;
Qazaqstan aýmaǵynda halyqqa sapaly qyzmet kórsete alatyn keńsesiniń bolýy.
Qujattardy qabyldaý 18–31 tamyz aralyǵynda júrgiziledi.
