ҚМДБ ресми сайтында 2026 жылы қажылық пен умра сапарына апаратын туристік фирмаларға арналған байқау жарияланды, деп хабарлайлы Dalanews.kz.
Мүфтияттың қойған негізгі талаптары мыналар:
«Қажылық-2026» маусымына дайындығы жөнінде және нақты игере алатын қажылық орындары туралы ҚМДБ-ға өтініш хат жолдау;
ҚР қолданыстағы заңнамасына сәйкес берілген туроператорлық қызметке арналған мемлекеттік лицензиясы және «Туристік қызмет туралы» заңның 27-3-бабы 1-тармағына сай қосымшасының болуы;
Салық комитетінде тіркелгенін растайтын куәліктің және салықтың төленгенін дәлелдейтін құжаттардың болуы;
Қажылық пен умраны ұйымдастыруда кемінде 5 жылдық тұрақты оң тәжірибесін айғақтайтын құжаттардың болуы;
ҚР заңдарын және Сауд Арабиясы Корольдігі тарапынан қойылған талаптарды бұзбауы;
Қазақстан аумағында халыққа сапалы қызмет көрсете алатын кеңсесінің болуы.
Құжаттарды қабылдау 18–31 тамыз аралығында жүргізіледі.
