قمدب رەسمي سايتىندا 2026 جىلى قاجىلىق پەن ۋمرا ساپارىنا اپاراتىن تۋريستىك فيرمالارعا ارنالعان بايقاۋ جاريالاندى، دەپ حابارلايلى Dalanews.kz.

ءمۇفتياتتىڭ قويعان نەگىزگى تالاپتارى مىنالار:

«قاجىلىق-2026» ماۋسىمىنا دايىندىعى جونىندە جانە ناقتى يگەرە الاتىن قاجىلىق ورىندارى تۋرالى قمدب-عا ءوتىنىش حات جولداۋ؛

ق ر قولدانىستاعى زاڭناماسىنا سايكەس بەرىلگەن تۋروپەراتورلىق قىزمەتكە ارنالعان مەملەكەتتىك ليسەنزياسى جانە «تۋريستىك قىزمەت تۋرالى» زاڭنىڭ 27-3-بابى 1-تارماعىنا ساي قوسىمشاسىنىڭ بولۋى؛

سالىق كوميتەتىندە تىركەلگەنىن راستايتىن كۋالىكتىڭ جانە سالىقتىڭ تولەنگەنىن دالەلدەيتىن قۇجاتتاردىڭ بولۋى؛

قاجىلىق پەن ۋمرانى ۇيىمداستىرۋدا كەمىندە 5 جىلدىق تۇراقتى وڭ تاجىريبەسىن ايعاقتايتىن قۇجاتتاردىڭ بولۋى؛

ق ر زاڭدارىن جانە ساۋد ارابياسى كورولدىگى تاراپىنان قويىلعان تالاپتاردى بۇزباۋى؛

قازاقستان اۋماعىندا حالىققا ساپالى قىزمەت كورسەتە الاتىن كەڭسەسىنىڭ بولۋى.

قۇجاتتاردى قابىلداۋ 18–31 تامىز ارالىعىندا جۇرگىزىلەدى.