Energetıka mınıstri Almasadam Satqalıev shetel azamattaryna benzın men dızel otynyn jańa baǵamen satý týraly buıryqqa qol qoıdy. Júrgizýshi kýáligin Qazaqstannan alǵandarǵa baǵa burynǵysha qala beredi.
Jańa qujatqa sáıkes, baǵalaryn memleket retteıtin stasıonarly janarmaı quıý beketterinde munaı ónimderiniń bólshek saýdasyna mynadaı shek qoıyldy:
Aı-80 markaly benzıni — lıtrine 89 teńge;
Aı-92 jáne Aı-93 markaly benzıni — lıtrine 245 teńge;
Dızel otyny (jazǵy jáne maýsymaralyq) — lıtrine 315 teńge.
Al endi Qazaqstanda berilgen júrgizýshi kýáligin kórsetkenderge Aı-92 jáne Aı-93 baǵasy 205 teńge, dızel 295 teńge bolyp qala beredi. Biraq táýligine 100 lıtrden aspaýǵa tıis. Motosıkl, jeńil jáne júk kólikteri, arnaıy tehnıka men avtobýsty tirkegeni týraly qujatty kórsetse, bir kúnde 300 lıtrge deıin ala alady. Buıryq 17 mamyrdan bastap kúshine enedi.
