Májilis ekinshi oqylymda tsifrlyq ortadaǵy quqyqtyq qatynastardy retteitin Tsifrlyq kodeks jobasyn qabyldady. Qujat azamattardyń jeke derekterin qorǵaýdy kúsheitýdi jáne tsifrlyq infraqurylymdy damytýǵa baǵyttalǵan, dep habarlaidy Dalanews.kz.
Jańa kodeks qabyldansa, qazaqstandyqtar:
• ózderiniń jeke derekterin memlekettik júielerden óshirýdi nemese jasyryn etýdi talap ete alady;
• derekteriniń qalai jáne qaida qoldanylatynyn baqylaýǵa múmkindik alady;
• algoritmder men jasandy intellekttiń jumysy týraly ashyq aqparat ala alady.
Sonymen qatar qujat memlekettik qyzmetterdiń barsha azamatqa, onyń ishinde múmkindigi shekteýli adamdarǵa qoljetimdi bolýyn qamtamasyz etýdi kózdeidi.
Tsifrlyq kodeks tsifrlyq ekonomikanyń damýyna negiz bolmaq. Onda elektrondy qoltańba, smart-kelisimsharttar, derekterdi almasý tártibi jáne alaiaqtyqtan qorǵaný siiaqty tetikter zań júzinde bekitiledi. Alǵash ret “ulttyq” jáne “senimdi” tsifrlyq obektiler uǵymdary engizilip, tsifrlyq infraqurylym kiberqaýipsizdik aýditinen ótetin bolady.
Tsifrlyq kodekstiń basty maqsattary:
• adam múddesiniń basymdyǵy;
• jeke tulǵa, qoǵam jáne memlekettiń qaýipsizdigin qamtamasyz etý;
• tsifrlyq derekterdi jasaý, saqtaý jáne taratý erkindigi;
• jeke jáne qoǵamdyq múddeler arasyndaǵy tepe-teńdikti saqtaý.
