TikTok platformasy “Otbasylyq parametrler” bóliminde jańa quraldardy iske qosty, dep habarlaidy Dalanews.kz.
Endi ata-analar balalardyń TikTok-ty paidalanatyn ýaqytyn belgilengen merzimge, ásirese túngi ýaqytta shekteýge múmkindik alady.
“Platforma jastar úshin qaýipsiz tsifrlyq orta qalyptastyrýǵa jáne ata-analarǵa balalarynyń qosymshadaǵy belsendiligin baqylaýǵa kómektesýge baǵyttalǵan jańa fýnktsiialardy iske qosatynyn málimdedi. Atap aitqanda, TikTok “Otbasylyq parametrler” bóliminde ata-analarǵa balalardyń TikTok-qa kirý ýaqytyn belgilengen merzimde shekteýge múmkindik beretin jańa qyzmetti usyndy”, – delingen Mádeniet jáne aqparat ministrliginiń baspasóz qyzmeti taratqan habarlamada.
Endi ata-analar TikTok-qa kirý ýaqytyn shektep qana qoimai, balalardyń kimge jazylǵanyn jáne qandai akkaýnttardy buǵattaǵanyn da baqylai alady.
Jańa múmkindikter:
“Belsendi emes ýaqyt”– TikTok-qa qoljetimdilikti belgili bir ýaqytqa, mysaly, oqý nemese uiqy kezinde buǵattaý;
Qaitalanatyn keste – turaqty túrde tsifrlyq úzilis jasaýǵa arnalǵan kesteni ornatý;
Shekteýdi ózgertý – bala suranys jibergen jaǵdaida, buryn buǵattalǵan ýaqytqa ruqsat berý múmkindigi.
Aldaǵy ailarda TikTok-ta jasóspirimder ata-analaryna platformanyń erejelerin buzýy múmkin kontent týraly habarlai alatyn jańa fýnktsiia iske qosylady. Bul múmkindik ata-ana baqylaýy qosylmaǵan jaǵdaida da qoljetimdi bolmaq.
