Qorǵanys ministrligi azamattardy merzimdi áskeri qyzmetke shaqyrý tártibine ózgerister engizýdi kózdeitin jańa jobany jariia talqylaýǵa shyǵardy, dep habarlaidy Dalanews.kz.
Qujat "Ashyq NQA" portalynda jariialanǵan.
Jobanyń túsindirme jazbasynda kórsetilgendei, ózgerister áskerge shaqyrýdy uiymdastyrý jáne ótkizý tártibin naqtylaýǵa, sondai-aq biryńǵai tásilderdi engizýge baǵyttalǵan. Sonymen qatar áskerge shaqyrýdan keiinge qaldyrý rásimin memlekettik qyzmet arqyly resimdeý múmkindigi qarastyrylýda.
"Áskeri qyzmetke shaqyrylýǵa jatatyn azamattyń uialy telefonyna jiberilgen SMS-habarlama tiisti (resmi) eskertý quraly retinde tanylady", – delingen joba mátininde.
Qujat 2025 jylǵy 9 qyrkúiekke deiin qoǵamdyq talqylaýǵa usynylǵan.
Eske salaiyq, buǵan deiin Qazaqstanda psihoemotsionaldy aýytqýy bar azamattar áskeri qyzmetke jiberilmeitini habarlanǵan edi. Bul týraly Qorǵanys ministrliginiń baspasóz qyzmeti málimdedi.
“Psihoemotsionaldy turaqsyzdyǵy bar shaqyrylýshylar ásker qataryna alynbaidy. (…) Elimizde sýitsidke beiimdilikti erte anyqtaýǵa baǵyttalǵan jańa PSY-RISK ádistemesi engizile bastady. Bul bastama áskeri qyzmetshilerdiń psihologiialyq turaqtylyǵyn arttyryp, áskerdegi qaiǵyly jaǵdailardyń aldyn alýǵa baǵyttalǵan”, – delingen sársenbide taratylǵan resmi aqparatta.
Atalǵan ádisteme Qorǵanys ministrliginiń áskeri psihologtary tarapynan ázirlenip, 2025 jyly kóktemgi shaqyrylymda synaqtan sátti ótkizilgen.
“Nátijesinde 470-ten astam jas jigitten sýitsidke beiim minez-qulyqtyń belgileri erte anyqtalyp, olar ásker qatarynan bosatyldy nemese qosymsha meditsinalyq tekserýge jiberildi. Jańa júie – kópsatyly psihodiagnostika tetigi. Ol bastapqy skriningten, tereńdetilgen psihologiialyq zertteýden jáne qajet bolǵan jaǵdaida psihiatriialyq saraptamadan turady. Negizgi maqsat: psihoemotsionaldyq turǵyda áskeri qyzmetke daiyn emes azamattardy shaqyrylymnan shyǵarý”, – dep naqtylady ministrlik.
PSY-RISK ádistemesin engizý máselesi Qazaqstan Qarýly kúshteriniń Ulttyq áskeri-patriottyq ortalyǵynda ótken vedomstvoaralyq jumys tobynyń otyrysynda negizgi taqyrypqa ainaldy. Top quramyna Qorǵanys, Ishki ister, Densaýlyq saqtaý, Ǵylym jáne joǵary bilim ministrlikteriniń ókilderimen qatar, Ulttyq qaýipsizdik komiteti, Memlekettik kúzet qyzmeti jáne ózge de memlekettik qurylymdardyń mamandary kirdi.
Qorǵanys ministrliginiń Psihologiialyq jáne áskeri-áleýmettik jumys basqarmasynyń bastyǵy Arman Qalyshevtiń aitýynsha, bul bastama Úkimet tapsyrmasymen júzege asyp otyr jáne bolashaqta shaqyrylym naýqany aiasyndaǵy júieli profilaktikanyń bir bóligine ainalmaq.
“Bizdiń maqsatymyz – tek psihologiialyq turǵydan álsizderdi iriktep alyp tastaý emes, sonymen qatar bolashaq áskeri bólimderdegi ujymdardy qaýip-qater týdyrýy múmkin jaǵdailardan qorǵaý. Munda jeke adamnyń densaýlyǵy, ómiri jáne bólim ishindegi moraldyq ahýal týraly sóz bolyp otyr”, – dedi Qalyshev.
PSY-RISK ádistemesi elimizdiń barlyq óńirlerinde kezeń-kezeńimen engiziletin bolady.
Ministrlik ókilderiniń aitýynsha, bul jańashyldyq irikteý sapasyn arttyryp, áskerdegi shtattan tys jaǵdailardy azaitýǵa jáne jas sarbazdardyń psihikalyq saýlyǵyn nyǵaitýǵa aitarlyqtai úles qospaq.
