قورعانىس مينيسترلٸگٸ ازاماتتاردى مەرزٸمدٸ ەسكەري قىزمەتكە شاقىرۋ تەرتٸبٸنە ٶزگەرٸستەر ەنگٸزۋدٸ كٶزدەيتٸن جاڭا جوبانى جارييا تالقىلاۋعا شىعاردى, دەپ حابارلايدى Dalanews.kz.
قۇجات "اشىق نقا" پورتالىندا جارييالانعان.
جوبانىڭ تٷسٸندٸرمە جازباسىندا كٶرسەتٸلگەندەي, ٶزگەرٸستەر ەسكەرگە شاقىرۋدى ۇيىمداستىرۋ جەنە ٶتكٸزۋ تەرتٸبٸن ناقتىلاۋعا, سونداي-اق بٸرىڭعاي تەسٸلدەردٸ ەنگٸزۋگە باعىتتالعان. سونىمەن قاتار ەسكەرگە شاقىرۋدان كەيٸنگە قالدىرۋ رەسٸمٸن مەملەكەتتٸك قىزمەت ارقىلى رەسٸمدەۋ مٷمكٸندٸگٸ قاراستىرىلۋدا.
"ەسكەري قىزمەتكە شاقىرىلۋعا جاتاتىن ازاماتتىڭ ۇيالى تەلەفونىنا جٸبەرٸلگەن SMS-حابارلاما تيٸستٸ (رەسمي) ەسكەرتۋ قۇرالى رەتٸندە تانىلادى", – دەلٸنگەن جوبا مەتٸنٸندە.
قۇجات 2025 جىلعى 9 قىركٷيەككە دەيٸن قوعامدىق تالقىلاۋعا ۇسىنىلعان.
ەسكە سالايىق, بۇعان دەيٸن قازاقستاندا پسيحوەموتسيونالدى اۋىتقۋى بار ازاماتتار ەسكەري قىزمەتكە جٸبەرٸلمەيتٸنٸ حابارلانعان ەدٸ. بۇل تۋرالى قورعانىس مينيسترلٸگٸنٸڭ باسپاسٶز قىزمەتٸ مەلٸمدەدٸ.
“پسيحوەموتسيونالدى تۇراقسىزدىعى بار شاقىرىلۋشىلار ەسكەر قاتارىنا الىنبايدى. (…) ەلٸمٸزدە سۋيتسيدكە بەيٸمدٸلٸكتٸ ەرتە انىقتاۋعا باعىتتالعان جاڭا PSY-ريسك ەدٸستەمەسٸ ەنگٸزٸلە باستادى. بۇل باستاما ەسكەري قىزمەتشٸلەردٸڭ پسيحولوگييالىق تۇراقتىلىعىن ارتتىرىپ, ەسكەردەگٸ قايعىلى جاعدايلاردىڭ الدىن الۋعا باعىتتالعان”, – دەلٸنگەن سەرسەنبٸدە تاراتىلعان رەسمي اقپاراتتا.
اتالعان ەدٸستەمە قورعانىس مينيسترلٸگٸنٸڭ ەسكەري پسيحولوگتارى تاراپىنان ەزٸرلەنٸپ, 2025 جىلى كٶكتەمگٸ شاقىرىلىمدا سىناقتان سەتتٸ ٶتكٸزٸلگەن.
“نەتيجەسٸندە 470-تەن استام جاس جٸگٸتتەن سۋيتسيدكە بەيٸم مٸنەز-قۇلىقتىڭ بەلگٸلەرٸ ەرتە انىقتالىپ, ولار ەسكەر قاتارىنان بوساتىلدى نەمەسە قوسىمشا مەديتسينالىق تەكسەرۋگە جٸبەرٸلدٸ. جاڭا جٷيە – كٶپساتىلى پسيحودياگنوستيكا تەتٸگٸ. ول باستاپقى سكرينينگتەن, تەرەڭدەتٸلگەن پسيحولوگييالىق زەرتتەۋدەن جەنە قاجەت بولعان جاعدايدا پسيحياترييالىق ساراپتامادان تۇرادى. نەگٸزگٸ ماقسات: پسيحوەموتسيونالدىق تۇرعىدا ەسكەري قىزمەتكە دايىن ەمەس ازاماتتاردى شاقىرىلىمنان شىعارۋ”, – دەپ ناقتىلادى مينيسترلٸك.
PSY-ريسك ەدٸستەمەسٸن ەنگٸزۋ مەسەلەسٸ قازاقستان قارۋلى كٷشتەرٸنٸڭ ۇلتتىق ەسكەري-پاتريوتتىق ورتالىعىندا ٶتكەن ۆەدومستۆوارالىق جۇمىس توبىنىڭ وتىرىسىندا نەگٸزگٸ تاقىرىپقا اينالدى. توپ قۇرامىنا قورعانىس, ٸشكٸ ٸستەر, دەنساۋلىق ساقتاۋ, عىلىم جەنە جوعارى بٸلٸم مينيسترلٸكتەرٸنٸڭ ٶكٸلدەرٸمەن قاتار, ۇلتتىق قاۋٸپسٸزدٸك كوميتەتٸ, مەملەكەتتٸك كٷزەت قىزمەتٸ جەنە ٶزگە دە مەملەكەتتٸك قۇرىلىمداردىڭ ماماندارى كٸردٸ.
قورعانىس مينيسترلٸگٸنٸڭ پسيحولوگييالىق جەنە ەسكەري-ەلەۋمەتتٸك جۇمىس باسقارماسىنىڭ باستىعى ارمان قالىشەۆتٸڭ ايتۋىنشا, بۇل باستاما ٷكٸمەت تاپسىرماسىمەن جٷزەگە اسىپ وتىر جەنە بولاشاقتا شاقىرىلىم ناۋقانى اياسىنداعى جٷيەلٸ پروفيلاكتيكانىڭ بٸر بٶلٸگٸنە اينالماق.
“بٸزدٸڭ ماقساتىمىز – تەك پسيحولوگييالىق تۇرعىدان ەلسٸزدەردٸ ٸرٸكتەپ الىپ تاستاۋ ەمەس, سونىمەن قاتار بولاشاق ەسكەري بٶلٸمدەردەگٸ ۇجىمداردى قاۋٸپ-قاتەر تۋدىرۋى مٷمكٸن جاعدايلاردان قورعاۋ. مۇندا جەكە ادامنىڭ دەنساۋلىعى, ٶمٸرٸ جەنە بٶلٸم ٸشٸندەگٸ مورالدىق احۋال تۋرالى سٶز بولىپ وتىر”, – دەدٸ قالىشەۆ.
PSY-ريسك ەدٸستەمەسٸ ەلٸمٸزدٸڭ بارلىق ٶڭٸرلەرٸندە كەزەڭ-كەزەڭٸمەن ەنگٸزٸلەتٸن بولادى.
مينيسترلٸك ٶكٸلدەرٸنٸڭ ايتۋىنشا, بۇل جاڭاشىلدىق ٸرٸكتەۋ ساپاسىن ارتتىرىپ, ەسكەردەگٸ شتاتتان تىس جاعدايلاردى ازايتۋعا جەنە جاس ساربازداردىڭ پسيحيكالىق ساۋلىعىن نىعايتۋعا ايتارلىقتاي ٷلەس قوسپاق.
