Qazaqstanda meditsinalyq qyzmetter úshin tólem jasaǵanda túbirtekterde patsienttiń JSN-in kórsetý usynyldy, dep habarlaidy Dalanews.kz.
Bul bastamany Qarjy ministrligi kóterip otyr.
Usynysqa sáikes, JSN tek tegin kepildendirilgen meditsinalyq kómek jáne mindetti áleýmettik meditsinalyq saqtandyrý (MÁMS) aiasynda kórsetiletin qyzmetter men dári-dármekterge tólem jasaǵanda engiziledi. Bul shara meditsinalyq saqtandyrý qoryna shyǵyndardy baqylap, kórsetilgen qyzmettiń naqty alynǵanyn rastaýǵa múmkindik beredi.
Qarjy ministrliginiń pikirinshe, mundai ózgeris qarjy ainalymynyń ashyqtyǵyn arttyryp, kóleńkeli ekonomikany azaitýǵa yqpal etedi.
Al Densaýlyq saqtaý ministrligi meditsinalyq qyzmetterdiń kórsetilgenin rastaý úshin arnaiy mobildi qosymsha arqyly tekserý júiesin engizýdi josparlap otyr.
