قازاقستاندا مەديسينالىق قىزمەتتەر ءۇشىن تولەم جاساعاندا تۇبىرتەكتەردە پاسيەنتتىڭ ءجسن-ىن كورسەتۋ ۇسىنىلدى، دەپ حابارلايدى Dalanews.kz.
بۇل باستامانى قارجى مينيسترلىگى كوتەرىپ وتىر.
ۇسىنىسقا سايكەس، جسن تەك تەگىن كەپىلدەندىرىلگەن مەديسينالىق كومەك جانە مىندەتتى الەۋمەتتىك مەديسينالىق ساقتاندىرۋ (ءمامس) اياسىندا كورسەتىلەتىن قىزمەتتەر مەن دارى-دارمەكتەرگە تولەم جاساعاندا ەنگىزىلەدى. بۇل شارا مەديسينالىق ساقتاندىرۋ قورىنا شىعىنداردى باقىلاپ، كورسەتىلگەن قىزمەتتىڭ ناقتى الىنعانىن راستاۋعا مۇمكىندىك بەرەدى.
قارجى مينيسترلىگىنىڭ پىكىرىنشە، مۇنداي وزگەرىس قارجى اينالىمىنىڭ اشىقتىعىن ارتتىرىپ، كولەڭكەلى ەكونوميكانى ازايتۋعا ىقپال ەتەدى.
ال دەنساۋلىق ساقتاۋ مينيسترلىگى مەديسينالىق قىزمەتتەردىڭ كورسەتىلگەنىن راستاۋ ءۇشىن ارنايى ءموبيلدى قوسىمشا ارقىلى تەكسەرۋ جۇيەسىن ەنگىزۋدى جوسپارلاپ وتىر.
