Qazaqstan Úkimeti sirek kezdesetin jáne joiylyp ketý qaýpi bar sý janýarlaryn ǵylymi maqsatta aýlaý týraly qaýly qabyldady , dep habarlaidy dalanews.kz.
Qaýlyǵa sai, 2026 jyldyń 27 sáýiri men 31 jeltoqsany aralyǵynda Mańǵystaý jáne Atyraý oblystaryndaǵy Dýrnev, Túlen, Kendirli jáne Aqtoty araldarynda 66 bas Kaspii itbalyǵyn aýlaýǵa ruqsat berilgen. Mamandar olardy ǵylymi zertteý úshin ustap, arnaiy tańbalap, keiin tabiǵi ortasyna qaita jiberedi.
Sonymen qatar qujatta sirek balyq túrlerin ǵylymi maqsatta aýlaý da qarastyrylǵan. Atap aitqanda, 500 keli aral bekiresi Almaty jáne Jetisý oblystaryndaǵy Ile, Qaratal ózenderinen, Balqash kóli men Qapshaǵai sý qoimasynan alynady. Bul jumys analyq tabyndy qalyptastyryp, keiin qoldan ósirýge baǵyttalǵan. Al 300 keli aqbalyq Abai jáne Pavlodar oblystary aýmaǵyndaǵy Ertis ózeninen ǵylymi zertteý jáne kóbeitý maqsatynda aýlanady.
Úkimettiń bul sheshimi sirek sý janýarlaryn saqtap qalý, olardyń sanyn arttyrý jáne ǵylymi negizde kóbeitý jumystaryn kúsheitýge baǵyttalǵan. Qaýly 2026 jylǵy 27 sáýirden bastap kúshine endi.
