قازاقستان ٷكٸمەتٸ سيرەك كەزدەسەتٸن جەنە جويىلىپ كەتۋ قاۋپٸ بار سۋ جانۋارلارىن عىلىمي ماقساتتا اۋلاۋ تۋرالى قاۋلى قابىلدادى , دەپ حابارلايدى dalanews.kz.
قاۋلىعا ساي, 2026 جىلدىڭ 27 سەۋٸرٸ مەن 31 جەلتوقسانى ارالىعىندا ماڭعىستاۋ جەنە اتىراۋ وبلىستارىنداعى دۋرنەۆ, تٷلەن, كەندٸرلٸ جەنە اقتوتى ارالدارىندا 66 باس كاسپيي يتبالىعىن اۋلاۋعا رۇقسات بەرٸلگەن. ماماندار ولاردى عىلىمي زەرتتەۋ ٷشٸن ۇستاپ, ارنايى تاڭبالاپ, كەيٸن تابيعي ورتاسىنا قايتا جٸبەرەدٸ.
سونىمەن قاتار قۇجاتتا سيرەك بالىق تٷرلەرٸن عىلىمي ماقساتتا اۋلاۋ دا قاراستىرىلعان. اتاپ ايتقاندا, 500 كەلٸ ارال بەكٸرەسٸ الماتى جەنە جەتٸسۋ وبلىستارىنداعى ٸلە, قاراتال ٶزەندەرٸنەن, بالقاش كٶلٸ مەن قاپشاعاي سۋ قويماسىنان الىنادى. بۇل جۇمىس انالىق تابىندى قالىپتاستىرىپ, كەيٸن قولدان ٶسٸرۋگە باعىتتالعان. ال 300 كەلٸ اقبالىق اباي جەنە پاۆلودار وبلىستارى اۋماعىنداعى ەرتٸس ٶزەنٸنەن عىلىمي زەرتتەۋ جەنە كٶبەيتۋ ماقساتىندا اۋلانادى.
ٷكٸمەتتٸڭ بۇل شەشٸمٸ سيرەك سۋ جانۋارلارىن ساقتاپ قالۋ, ولاردىڭ سانىن ارتتىرۋ جەنە عىلىمي نەگٸزدە كٶبەيتۋ جۇمىستارىن كٷشەيتۋگە باعىتتالعان. قاۋلى 2026 جىلعى 27 سەۋٸردەن باستاپ كٷشٸنە ەندٸ.
