Endi JZQ-dan erikti zeinetaqy jarnalar esebinen qalyptasqan jinaqtardy alý úshin ótinish toltyryp jatýdyń qajeti joq, zeinet jasqa jetkende ol avtomatty túrde ózdiginen esepteletin bolady, dep habarlaidy Dalanews.kz.
Qarjy naryǵyn retteý jáne damytý agenttigi "Erikti zeinetaqy jarnalary esebinen zeinetaqymen qamsyzdandyrý týraly shartty jasasý qaǵidalaryn jáne onyń úlgilik nysanyn bekitý týraly" 2023 jylǵy 26 mamyrdaǵy № 27 qaýlysyna ózgerister engizý týraly" agenttik Basqarmasy qaýlysynyń jobasyn ázirledi.
"Jobada erikti zeinetaqy jarnalary (EZJ) esebinen zeinetaqymen qamsyzdandyrý shartynyń úlgilik nysanyna, onyń ishinde "Biryńǵai jinaqtaýshy zeinetaqy qory" AQ-tan (BJZQ) tólemder tártibine qatysty bóliginde ózgerister engizý usynylady. Atap aitqanda, zeinetkerlik jasqa jetken, biraq erikti zeinetaqy jarnalary (EZJ) esebinen qalyptasqan jinaqtaryn alý úshin júginbegen azamattar úshin BJZQ-dan zeinetaqy tólemderin avtomatty (ótinishsiz) tártippen júzege asyrý josparlanyp otyr", delingen qujatta.
Osy tetikti iske asyrý EZJ boiynsha talap etilmegen zeinetaqy jinaqtarynyń aldyn alyp, zeinetaqy tólemderiniń barlyq túrine birdei kózqarasty qamtamasyz etýge múmkindik beredi.
Buǵan deiin el azamattarynyń BJZQ-daǵy jinaǵyn em-domǵa jii paidalana bastaǵanyn jazǵanbyz.
