Endi árbir synypta Wi-Fi bolady
«Elimizdiń mektepterindegi internetti ortalyqtandyrý kerek. Sondai-aq barlyq synypqa Wi-Fi qondyrý qajet. Bul óte mańyzdy. Mundai apparat ornatý asa qymbat emes. Qazirgi kezde 7 000 mektepte internet ornatylǵan. Sonyń ishinde jyldamdyǵy 4 Mb/s asatyn internet tek 2000 mektepte ǵana bar», - dedi Erlan Saǵadiev.
Ministr sondai-aq balalarǵa arnalǵan jańa deńgeili tsifrlyq bilim resýrstaryn damytý qajettigi týraly aityp ótti.
«TsBR – beine jáne internaktivti sabaqtar. Elimizdegi myńnan astam mektep, olardyń ishinde Nazarbaev ziiatkerlik mektepteri «BilimMediaGroup» kompaniiasy usynǵan resýrstardy 2014 jyldan bastap qoldanyp keledi. Biylǵy jyly 11 myńnan astam «úshtik» - kompiýter, protsessor jáne ekrannan turatyn jinaqtar alynbaq. Eń aldymen aýyl mektepteri jáne internetke qosylý múmkindikteri joq bilim oshaqtary jabdyqtalady», - dep túsindirdi ol.
