«ەلىمىزدىڭ مەكتەپتەرىندەگى ينتەرنەتتى ورتالىقتاندىرۋ كەرەك. سونداي-اق بارلىق سىنىپقا Wi-Fi قوندىرۋ قاجەت. بۇل وتە ماڭىزدى. مۇنداي اپپارات ورناتۋ اسا قىمبات ەمەس. قازىرگى كەزدە 7 000 مەكتەپتە ينتەرنەت ورناتىلعان. سونىڭ ىشىندە جىلدامدىعى 4 مب/س اساتىن ينتەرنەت تەك 2000 مەكتەپتە عانا بار»، - دەدى ەرلان ساعادييەۆ.
مينيستر سونداي-اق بالالارعا ارنالعان جاڭا دەڭگەيلى سيفرلىق ءبىلىم رەسۋرستارىن دامىتۋ قاجەتتىگى تۋرالى ايتىپ ءوتتى.
«سبر – بەينە جانە ينتەرناكتيۆتى ساباقتار. ەلىمىزدەگى مىڭنان استام مەكتەپ، ولاردىڭ ىشىندە نازاربايەۆ زياتكەرلىك مەكتەپتەرى «BilimMediaGroup» كومپانياسى ۇسىنعان رەسۋرستاردى 2014 جىلدان باستاپ قولدانىپ كەلەدى. بيىلعى جىلى 11 مىڭنان استام «ۇشتىك» - كومپيۋتەر، پروسەسسور جانە ەكراننان تۇراتىن جيناقتار الىنباق. ەڭ الدىمەن اۋىل مەكتەپتەرى جانە ينتەرنەتكە قوسىلۋ مۇمكىندىكتەرى جوق ءبىلىم وشاقتارى جابدىقتالادى»، - دەپ ءتۇسىندىردى ول.
