Almatyda jol erejesin buzǵan elektrosamokat júrgizýshilerin anyqtaý tásili ózgeredi. Aldaǵy ýaqytta mundai zańbuzýshylyqtardy "Sergek" kameralary avtomatty túrde tirkei alady. Ol úshin politsiia kikshering kompaniialarynyń derekterin IIM bazasymen jáne beinebaqylaý júiesimen biriktirý jumystaryn júrgizip jatyr, dep habarlaidy dalanews.kz.
Bul týraly óńirlik kommýnikatsiialar qyzmetinde ótken brifingte Almaty qalalyq Politsiia departamentiniń resmi ókili Saltanat Ázirbek málimdedi.
Onyń aitýynsha, zańnamaǵa engizilgen jańa talaptardan keiin elektrosamokattar resmi túrde kólik quraly retinde tanyldy. Osyǵan bailanysty samokat paidalanýshylarǵa ǵana emes, olardy jalǵa beretin kikshering kompaniialaryna da birqatar mindet júktelgen.
"Qazir kikshering operatorlarymen birlesip, olardyń derekterin Ishki ister ministrliginiń aqparattyq bazalarymen jáne “Sergek” júiesimen integratsiialaý jumystary júrgizilip jatyr. Bul jumys aiaqtalǵannan keiin quqyqbuzýshylyqtardy avtomatty túrde anyqtap, kináli tulǵalardy jaýapqa tartýǵa múmkindik týady", – dedi Saltanat Ázirbek.
