Prezıdenttiń tapsyrmasymen 2022 jyly 1 qańtardan bastap eń tómengi jalaqy 42 500 teńgeden 60 myń teńgege deıin kóteriledi. Mınıstrdiń aıtýynsha, 2022-2024 jyldarǵa arnalǵan respýblıkalyq búdjet týraly zań jobasyna tıisti norma engiziledi.
"Atalǵan shara ekonomıkanyń barlyq salasynda jumys isteıtin 1 mıllıon 650 myń jumyskerdiń tabysynyń artýyna ákeledi. Sondaı-aq, razrádaralyq biliktilik júıesin eskerip, basqa da qyzmetkerlerdiń kirisin arttyrýǵa múmkindik beredi", - dedi Shápkenov úkimet otyrysynda.
Sonymen qatar tórt jyl ishinde azamattyq qyzmetshilerdiń jekelegen sanatynyń jalaqysy eki esege ósedi.
Olar muraǵatshylar, kitaphanashylar, mýzeıtanýshylar, ormanshylar, tehnıkalyq personal jáne taǵy basqalary, barlyǵy 588 myń adam.
"Nátıjesinde 2022 jyldan bastap olardyń jalaqysy jyl saıyn ortasha eseppen 20%-ke artyp, 2025 jylǵa qaraı eki esege ulǵaıady. Eń tómengi jalaqy 49 myńnan 60 myń teńgege deıin nemese 22-ke ósedi", – dedi vedomstvo basshysy.
