Qapshaǵai qalalyq ákimdiginiń málimetine qaraǵanda, Sársen Turlybekov 4 balanyń ákesi, II toptaǵy múgedektigi bar. Ótken jyly Nátijeli jumyspen qamtý jáne jappai kásipkerlikti damytýdyń «Eńbek» baǵdarlamasymen Qapshaǵai qalasyndaǵy «Dinat» oqý ortalyǵynda «Shashtaraz» mamandyǵy boiynsha qysqa merzimdik kýrsyn aiaqtaǵan bolatyn.
Munan soń biznes-josparyn qorǵap, 200 ailyq eseptik kórsetkish (583 400 teńge) kóleminde grant utyp aldy. Qolyna alǵan qarajatqa jumysyna qajetti qural-jabdyqtar satyp alyp, qazir qalalyq sulýlyq salonynda eńbek etedi.
Qapshaǵai qalasynyń taǵy bir turǵyny mikrokredittiń igiligin kórdi. «Biznes-Mektepti» bitirgen Nurlanbek Súleimenov «Aýyl sharýashylyǵyn qarjylai qoldaý qory» AQ-nyń qaitarymdy qarjysy esebinen 6 mln. teńge shaǵyn nesie aldy. Sonyń arqasynda manipýliator satyp alyp, halyqqa qyzmet kórsetýde.
Al Ile aýdanynyń turǵyny óziniń súiikti isin iri bizneske ainaldyrdy. Tilek Ádilhat jihaz jasaityn tseh ashyp, qazir aiyna úsh myńdai oryndyq jasaýda. Tsehtyń aqsha ainalymy orta eseppen 10 mln teńge.
– Isti bastaǵan kezde alǵashqy úsh táýlikte jumysshylardy oqyttym, tegin sheberlik saǵattaryn ótkizdim. Qazir kún saiyn úige qajetti 100 oryndyq daiyndaimyz. Bizdiń basty artyqshylyǵymyz – taýarlarymyz sapaly. Sondyqtan taýarlarymyzdy ondap, júzdep alýǵa tapsyrys beretinder kóp. Ónimderimizdi Almatynyń jáne jergilikti jerdiń naryqtaryna shyǵaramyz. Jańa stanoktar satyp alý arqyly assortimentti kóbeitip, jumys istep turǵan tsehty keńeitý josparymda bar, – deidi kásipker.
Atap ótsek, jyl basynan beri Almaty oblysynda 600 adam «Bastaý-Biznes» jobasyn bitirip shyǵyp, óz jobalaryna qarjy alǵan. Tek ótken jyldyń ózinde osy jobanyń asiaynda kásipkerlik negizderine 3 myńnan astam adam oqytyldy, 1,8 mlrd teńgege 2 myńnan astam joba qarjylandyrylǵan.
