Ulttyq ekonomika ministri Serik Jumanǵarin Qazaqstanda eń tómengi jalaqyny kóterý máselesine qatysty pikir bildirdi, dep habarlaidy Dalanews.kz.
Ministr bul birjaqty sheshiletin ońai másele emes ekenin atap ótti. Óitkeni ekonomikalyq teoriialarda oǵan qatysty túrli kózqaras bar.
“Árine, eń tómengi jalaqyny kóterý qajet. Biraq bul qadam birtindep, óte saqtyqpen júzege asyrylýy tiis. Ekonomika – bul tek naqty sandar emes, túrli teoriialar men boljamdarǵa súienetin ǵylym. Mundai qadam infliatsiiamen de tyǵyz bailanysty. Sebebi jalaqyny ósirý – bir jaǵynan, óndiris shyǵyndarynyń artýy”, – dedi Jumanǵarin.
Onyń aitýynsha, bul ózgeris tutynýshylyq sektorǵa da áser etedi.
“Bul qosymsha qarajat ainalymǵa túsip, kelesi kúni-aq ishki suranys pen infliatsiiaǵa yqpal etýi múmkin. Sondyqtan mundai qadamdarǵa óte muqiiat, eseppen qaraǵan jón. Uzaqmerzimdi perspektivada naqty táýeldilik bolmasa da, túrli ekonomikalyq mektepter arasynda bul másele tóńireginde ortaq pikirler bar”, – dep túsindirdi ministr.
Aita keteiik, qazirgi tańda Qazaqstanda eń tómengi jalaqy mólsheri 85 myń teńgeni quraidy.
