Talǵar – Almaty oblysyndaǵy eń qaýipti aýdan emes. Bul týraly Almaty oblysy ákimi Marat Sultanǵaziev málimdedi, dep habarlaidy Dalanews.kz.
Aitýynsha, óńirdegi qylmys deńgeii 18%-ǵa tómendegen.
“Talǵar aýdanyna kelsek, oblys ishindegi shaǵymdar men suranystar sany boiynsha birinshi orynda emes. Eńbekshiqazaq jáne Qarasai aýdandarynan keiin úshinshi orynda tur. Áleýmettik jelilerde rezonans týdyrǵan keibir jaǵdailar boldy. Sol sebepti osyndai pikir qalyptasyp otyr. Jalpy, Talǵar – qarqyndy damyp kele jatqan qala”, – dedi Sultanǵaziev.
Aita keteiik, keiingi ýaqytta Talǵar aýdany túrli qylmystan kóz ashpai keledi. Áleýmettik jelide taraǵan jantúrshigerlik oqiǵalar aýdan týraly teris pikir qalyptastyryp úlgerdi. Solardyń birqataryna toqtalyp óteiik.
Sherzat isi
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵannan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
Is boiynsha sot sheshimi shyqty. Tergeý málimetinshe, Sherzatqa pyshaq jaraqatyn salǵan basty aiyptalýshy Abzal Shynasyl 23 jylǵa bas bostandyǵynan aiyryldy. Ravil Sakiev 20 jylǵa sottaldy.
Qalǵan aiyptalýshylar 7 jyldan 15 jylǵa deiin bas bostandyǵynan aiyryldy. Kámeletke tolmaǵan Y.D. 1,5 jylǵa bas bostandyǵynan aiyryldy.
Hasan isi
Sonymen qatar jaqynda Sherzat isinde esimi atalǵan "Hýtorlyq" Hasan Qasymbaev pen onyń sybailastary adamdardy urlap, aýyr dene jaraqatyn salyp, aqsha bopsalaýmen ainalysqany úshin 12 jylǵa sottalǵan edi.
Aiyptaýdyń nusqasy boiynsha, birneshe epizod bolǵan. Birinshi epizod kásipker Aiýbjan Tájievke qatysty. Tergeý málimetinshe, 2016 jyly ony aldap kóshege shyǵaryp, soqqyǵa jyǵyp, odan bir million teńge talap etken.
Ekinshi epizod 2021 jyly bolǵan. MMA sportshysy Arman Álimovtyń aitýynsha, ony Hasannyń «bandasy» urlap, aiaýsyz uryp-soqqan.
Bul is boiynsha Qasymbaevpen birge taǵy bes er adam sottalýda. Olardyń bári sotta aiyptaýlardyń qoldan jasalǵanyn aitty. Soǵan qaramastan, prokýror Hasanǵa 15 jyl, qalǵandarǵa toǵyz jyl túrme surady.
Sýdia Ainagúl Tuqbaeva «hýtorlyqtardyń» lideri delingen Qasymbaevty 12 jylǵa koloniiaǵa qamaý týraly úkim shyǵardy.
Talǵar aýdanyndaǵy basqa da daýly qylmystar
Biyl 6 qyrkúiekte Talǵarda er adam burynǵy azamattyq jubaiynyń baýyryn atyp óltirip, onyń eki jasar qyzyn urlap ketken bolatyn. Keiin politsiia kúdiktini ustap, balany anasymen qaýyshtyrdy.
Jýyrda Almaty oblysy Talǵar aýdanynda 14 jastaǵy jasóspirim qaza tapty. Otbasynyń aitýynsha, balany joǵary synyp oqýshylary qatygezdikpen uryp-soqqan. Qylmystyq is qozǵaldy, alaida týystary kúdiktige taǵylǵan aiyppen kelispeidi. Bul týraly Dalanews.kz Almaty.tv-ge silteme jasap málimdedi.
Talǵar aýdandyq politsiiasy qylmystyq is qozǵady. Bir jasóspirim ustaldy. Týystary isti neǵurlym qatań túrde saralap, barlyq qatysýshylardy jaýapqa tartýdy talap etýde.
