Elordada «Jastar» saraiynyń aýmaǵynda 800 sharshy metrlik muz aidyny men syrǵanaq saltanatty túrde ashyldy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Is-sharaǵa Baiqońyr aýdanynyń 100-den astam oqýshysy qatysty. Balalarǵa arnap jańa jyldyq ánder shyrqaldy, sondai-aq tegin toqashtar men konkiler usynyldy.
Merekelik ashylýdan keiin balalardy túrli oiyn-saýyq kútip turdy: estafeta, kerling, estafetalyq taiaqshany tapsyrý, konki tebý, dopty hokkei jáne qoqystardy suryptaý jarystary.
Is-shara sońynda qonaqtarǵa ystyq sýsyndar men baýyrsaqtar usynyldy.
Esterińizge sala keteiik, qys mezgilinde Astana turǵyndary men qonaqtary úshin kóptegen oiyn-saýyq ázirlendi: muz aidyndary, syrǵanaqtar, shaǵyn arhitektýralyq nysandar, fotoaimaqtar jáne t.b. Osyndai 60-qa jýyq oryn qalanyń 6 aýdanynda ashylady jáne qys mezgiliniń sońyna deiin jumys isteidi dep josparlanyp otyr.
Muz aidyndaryn, syrǵanaqtardy, shaǵyn arhitektýralyq nysandardy, fotoaimaqtardy jáne basqa elementterdi jailastyrý boiynsha jumys qarasha aiynyń ortasynan bastaldy. Jumys jeltoqsannyń ekinshi onkúndiginde kezeń-kezeńimen aiaqtalady.
