Elordany Elbasynyń esimimen ataýdy usynǵan depýtattar taǵy da tóbe kórsetti
Bul joly Konstitýtsiiaǵa engiziletin ózgerister talqylaǵan qos palatanyń birlesken Senat depýtatty Darhan Qaletaev: «2008 jyly men Astana halyqaralyq áýejaiyn tuńǵysh Prezident, kóshbasshy Nursultan Nazarbaevtyń esimimen ataýdy usynǵan bolatynmyn. Bul bastama qoǵamda keńinen talqylandy. Meniń oiymsha, úlken qoldaýǵa ie boldy», – dedi. Budan keiin ózge depýtattar qalsyn ba, óz kezeginde Pavel Kazantsev te áriptesiniń usynsyn qoldap;
– Men baiyrǵy Aqmola turǵyny retinde bul usynys bizdiń tamasha astanamyzdy ǵana emes, táýelsiz Qazaqstan memleketin qurǵan tulǵaǵa kórsetiletin qurmet retinde ádiletti dep oilaimyn, – dep ábden tizesi shyqqan áńgimeni taǵy shiyrlady.
Jalpy, buǵan deiinde Elordany Elbasynyń esimimen ataý týrasynda talai depýtattar usynys tastaǵany esimizde. Nazarbaev sońǵy ret «Rossiia 24» telearnasyna bergen suhbatynda «Astana – bul brend. Astananyń ataýyn ózgertýdiń esh qajeti joq», – dep túsinikti tilmen aitqan edi. Biraq bizdiń umytshaq depýtattar muny esten shyǵarǵan ketken syńaily.
Táýelsiz Qazaqstandy qurýda Elbasynyń eńbegin eshkim joqqa shyǵarmaidy. Halyqtyń ózi Prezidentimizge «Elbasy» dep laiyqty baǵasy bergeni belgili. Báleniń bárin biletin depýtattar muny bilimeidi degenge tipti sengiń kelmeidi. Endi umytshaq depýtattarǵa jeke-jeke bul máseleni qaitadan túsindirip shyǵýdan basqa amal qalmai tur.
N.ÁÝBÁKIR
