Qalalyq TJD habarlaiynsha, 28 qazanda 13 saǵat 13 minýtta «101» pýltine Abylai han kóshesindegi órt týraly habarlama kelip túsken. Órt sóndirý bólimsheleri oqiǵa ornyna kelip jetkende, 6 minýttan keiin aýmaǵy 10 sharshy metrdi qamtyǵan on qabatty turǵyn úidiń 9-qabatyndaǵy páterdiń qonaq bólmesinde jihazdardyń janýy oryn alǵan.
Kireberis qatty tútindenip, adamdardyń ómirine qaýip tóndiredi. Adamdardy evakýatsiialaý jáne barlaý úshin gaz tútinnen qorǵaý sharasy uiymdastyryldy. 10-ÓSB órt sóndirýshileriniń jedel áreket etýi men úilesimdi is-qimylynyń arqasynda órt bolǵan orynǵa jedel barlaý jumysyn júrgizilip, baǵytty durys anyqtaýdyń nátijesinde 5 adam qutqaryldy, onyń 1-i bala.
Órt 13 saǵat 31 minýtta aýyzdyqtalyp, órttiń ary qarai taralýyna jol berilmegen. Órtti sóndirýge jeke quramnan 17 adam jáne 4 birlik tehnika jumyldyryldy. Órtti sóndirý barysynda ýly gazdan jeńil ýlanǵan áiel adam aýrýhanaǵa odan ári tekserý úshin jetkizildi.
