Astanadaǵy №8 mektep-litseidiń 9-synyp oqýshysy Súiindik Medina jasandy intellekti paidalanyp, «Adal bailanys» dep atalatyn jańa áleýmettik júie jasap shyǵardy. Joba mektep oqýshylarynyń pikirin eskerýge jáne usynystaryn der kezinde mektep ákimshiligine jetkizýge múmkindik beredi,- dep habarlaidy Dalanews.kz.
Jańa júie oqýshylardyń únin ashyq tyńdaýǵa jaǵdai jasap qana qoimai, mektep basshylyǵynyń nazaryn da aýdardy. Qazirgi tańda bastama tájiribeden ótip, litsei ishinde qoldanysqa engizilgen.
«Adal bailanys» júiesi arqyly bilim alýshylar ózderiniń qiyndyqtaryn jasyrmai jetkize alady. Sonymen birge, jańa ideialaryn tikelei mektep ákimshiligine usynyp, qajetti sheshimderdiń qabyldanýyna yqpal ete alady.
Jobanyń avtory - Medina bul bastama arqyly mekteptegi tsifrlyq mádenietti damytýǵa jáne oqýshylardyń belsendi azamattyq ustanymyn qalyptastyrýǵa úles qosýdy maqsat etkenin aitady.
