Vaktsinatsiiany alǵash bolyp alýǵa niet bildirgender arasynda júkti áielder, emizetin analar men balalar bar.
– Qazaqstanǵa Pfizer preparaty jetkiziletinin bilgende, aiaǵym aýyr bolatyn. Ekpe alatyndar qataryna ilikkenime qatty qýandym. Vaktsinatsiia óz densaýlyǵyńyzdy da, jaqyndaryńyz ben ainalańyzdaǵy adamdardyń densaýlyǵyn da qorǵaýǵa múmkindik beredi. Sońǵy málimetter boiynsha, balalar men júkti áielder koronavirýspen jii aýyra bastady. Óz basym densaýlyq pen qaýipsizdikti qoldaimyn! – dep bólisti Gúlfairýz Ysqaqova.
Osyǵan uqsas pikirdi aiaǵy aýyr (16 apta) qala turǵyny Ásel Adamova jetkizdi.
– Bizdiń elimiz ǵana emes búkil álem bul virýspen qansha ýaqyttan beri kúresip keledi. Qaýipke júkti áielder de, kishkentai balalar da ushyrai bastady. Jańa ómir esigin ashatyn balamnyń densaýlyǵy da, óz densaýlyǵym da mańyzdy. Sol sebepti ekpe alýǵa keldim. Ekpeden qandai da bir qaýip kórip turǵan joqpyn. Men úshin aldyn alý men qorǵaný áldeqaida mańyzdy. Eń qorqynyshty aýyryp qalyp, alda ne kútip turǵanyn bilmeý. Men bárin ekpeni tezirek alýǵa shaqyramyn, – dedi bolashaq ana.
– Osy jazda otbasymyzben aýyrdyq. Aýrýdy óte aýyr ótkizemiz dep oilamaǵan edim. Kóp uzamai oqýym bastaldy, offlain oqýǵa shyqtyq. Eger vaktsinatsiialanbasam, aǵzamdy qorǵamasam, qaitadan aýyryp qalýym múmkin ekenin bilemin. Ekpe alýdan qoryqqan emespin. Men úshin eń qorqynyshtysy – qaita aýyrý, – deidi stýdent Tórejan Tursyn.
Sondai-aq, búgin №75 mektep-gimnaziianyń meditsinalyq pýnktine 15-17 jas aralyǵyndaǵy alty jasóspirim ekpe alýǵa keldi. Olardyń aitýynsha vaktsina ǵana adamdy virýs juqtyrýdan qorǵai alady.
Esterińizge sala keteiik, elorda boiynsha Pfizer preparatymen vaktsinatsiialaýǵa jatatyndar arasynda 5 myń júkti áiel, 28 myń bala emizetin áiel adam, sondai-aq 63 myń bala bar. Osy sanattaǵy adamdarǵa tek meditsinalyq uiymdarda jáne qalanyń bilim berý mekemelerindegi meditsinalyq pýnktterde ǵana vaktsina ala alady.
