ۆاكتسيناتسييانى العاش بولىپ الۋعا نيەت بٸلدٸرگەندەر اراسىندا جٷكتٸ ەيەلدەر, ەمٸزەتٸن انالار مەن بالالار بار.
– قازاقستانعا Pfizer پرەپاراتى جەتكٸزٸلەتٸنٸن بٸلگەندە, اياعىم اۋىر بولاتىن. ەكپە الاتىندار قاتارىنا ٸلٸككەنٸمە قاتتى قۋاندىم. ۆاكتسيناتسييا ٶز دەنساۋلىعىڭىزدى دا, جاقىندارىڭىز بەن اينالاڭىزداعى ادامداردىڭ دەنساۋلىعىن دا قورعاۋعا مٷمكٸندٸك بەرەدٸ. سوڭعى مەلٸمەتتەر بويىنشا, بالالار مەن جٷكتٸ ەيەلدەر كوروناۆيرۋسپەن جيٸ اۋىرا باستادى. ٶز باسىم دەنساۋلىق پەن قاۋٸپسٸزدٸكتٸ قولدايمىن! – دەپ بٶلٸستٸ گٷلفايرۋز ىسقاقوۆا.
وسىعان ۇقساس پٸكٸردٸ اياعى اۋىر (16 اپتا) قالا تۇرعىنى ەسەل اداموۆا جەتكٸزدٸ.
– بٸزدٸڭ ەلٸمٸز عانا ەمەس بٷكٸل ەلەم بۇل ۆيرۋسپەن قانشا ۋاقىتتان بەرٸ كٷرەسٸپ كەلەدٸ. قاۋٸپكە جٷكتٸ ەيەلدەر دە, كٸشكەنتاي بالالار دا ۇشىراي باستادى. جاڭا ٶمٸر ەسٸگٸن اشاتىن بالامنىڭ دەنساۋلىعى دا, ٶز دەنساۋلىعىم دا ماڭىزدى. سول سەبەپتٸ ەكپە الۋعا كەلدٸم. ەكپەدەن قانداي دا بٸر قاۋٸپ كٶرٸپ تۇرعان جوقپىن. مەن ٷشٸن الدىن الۋ مەن قورعانۋ ەلدەقايدا ماڭىزدى. ەڭ قورقىنىشتى اۋىرىپ قالىپ, الدا نە كٷتٸپ تۇرعانىن بٸلمەۋ. مەن بەرٸن ەكپەنٸ تەزٸرەك الۋعا شاقىرامىن, – دەدٸ بولاشاق انا.
– وسى جازدا وتباسىمىزبەن اۋىردىق. اۋرۋدى ٶتە اۋىر ٶتكٸزەمٸز دەپ ويلاماعان ەدٸم. كٶپ ۇزاماي وقۋىم باستالدى, وففلاين وقۋعا شىقتىق. ەگەر ۆاكتسيناتسييالانباسام, اعزامدى قورعاماسام, قايتادان اۋىرىپ قالۋىم مٷمكٸن ەكەنٸن بٸلەمٸن. ەكپە الۋدان قورىققان ەمەسپٸن. مەن ٷشٸن ەڭ قورقىنىشتىسى – قايتا اۋىرۋ, – دەيدٸ ستۋدەنت تٶرەجان تۇرسىن.
سونداي-اق, بٷگٸن №75 مەكتەپ-گيمنازييانىڭ مەديتسينالىق پۋنكتٸنە 15-17 جاس ارالىعىنداعى التى جاسٶسپٸرٸم ەكپە الۋعا كەلدٸ. ولاردىڭ ايتۋىنشا ۆاكتسينا عانا ادامدى ۆيرۋس جۇقتىرۋدان قورعاي الادى.
ەستەرٸڭٸزگە سالا كەتەيٸك, ەلوردا بويىنشا Pfizer پرەپاراتىمەن ۆاكتسيناتسييالاۋعا جاتاتىندار اراسىندا 5 مىڭ جٷكتٸ ەيەل, 28 مىڭ بالا ەمٸزەتٸن ەيەل ادام, سونداي-اق 63 مىڭ بالا بار. وسى ساناتتاعى ادامدارعا تەك مەديتسينالىق ۇيىمداردا جەنە قالانىڭ بٸلٸم بەرۋ مەكەمەلەرٸندەگٸ مەديتسينالىق پۋنكتتەردە عانا ۆاكتسينا الا الادى.
