Jobalardy iske asyrý 1 myńnan astam jumys ornyn qurýǵa jáne el ekonomikasyna 20 mlrd teńgeden astam qarjy tartýǵa múmkindik beredi dep josparlanyp otyr.
«Jeke investitsiialar esebinen jalpy bilim beretin ortalyq, tórt mektep salý josparlanyp otyr. Bul shamamen 4,5 myń oqýshy ornyn qurýǵa múmkindik beredi», - delingen Nur-Sultan qalasy ákimdiginiń baspasóz habarlamasynda.
Sondai-aq, «International School of Nur-Sultan City» JShS findik bilim berý ádistemesin engize otyryp, jeke mektep salýdy josparlap otyr.
Júieniń ereksheligi ár balaǵa jeke oqytý jospary jasalady. Mektepte jabyq bassein jáne fýtbol alańy bolady. Sonymen qatar ónerkásip salasy úshin asfalt-beton zaýyty, temir-beton buiymdary men kommýnaldyq arnaiy tehnika shyǵaratyn zaýyt salynbaq.
Qazirgi ýaqytta elordada 21,8 mlrd teńge somasyna 6 investitsiialyq kelisimshart jasalǵan. Olardyń ishinde et óńdeý kesheniniń qurylysy boiynsha 1 joba, meditsina salasy boiynsha 1 jáne bilim berý salasynda jekemenshik mektepter qurylysy boiynsha 4 joba bar.
