Nur-Sultan qalasynyń ákimi Altai Kólginov búgin Uly dala dańǵylynda ornalasqan kópirdiń ashylatynyn málim etti, – dep habarlaidy Dalanews.kzelorda ákimdiginiń resmi saityna silteme jasap.
– Búgin Uly dala dańǵylynda ornalasqan jańa kópir ashyldy. Avtomobil kópirin salý boiynsha negizgi jumys aiaqtalyp, osylaisha kópir paidalanýǵa berildi. Kópirdi abattandyrý, onyń ishinde trotýar bóligi boiynsha sońǵy jumystar qatar júretin bolady. – dedi qala basshysy.
Uly dala dańǵylyndaǵy kópir Máńgilik el dańǵylyndaǵy, A.Baitursynuly, R. Qoshqarbaev, J.Nájimedenov kóshelerindegi, Nova city aýdany men «Myńjyldyq» alleiasyndaǵy kólik aǵynyn azaitýǵa múmkindik beredi Budan basqa «Nurly jol» vokzaly, Telman jáne Promyshlennyi eldimekenderi, METRO gipermarketi aýdany, Jumabaev dańǵyly, Júrgenov kóshesi aralyǵyndaǵy kólik qozǵalasyn jaqsartatyn boldy.
Sondai-aq, A62 kóshesiniń (A91 kóshesinen Nur-Sultan-Qaraǵandy trassasyna deiingi aralyq) qurylysy júrip jatyr. Bul kóshe Qaraǵandy trassasy men «Nurly Jol» temirjol vokzaly, sol siiaqty qalanyń sol jaǵalaý bóligi arasynda kólik bailanysyn qamtamasyz etedi.
