6 qarasha kúni qalany sanıtarlyq tazalaýǵa 564 birlik arnaıy tehnıka jumyldyrylyp, onyń ishinde 163-i kúsheıtilgen rejimge kóshýge ázir otyr.
Qala aýdandaryndaǵy jumysqa daıyndyq joǵary deńgeıde Aıtalyq, «Almaty» aýdany – 129 birlik tehnıka men 430 jol jumysshysy jedel qyzmetke daıyn. Onyń ishinde «kútý rejimine» kóshýge 14 tehnıka bar. «Baıqońyr» aýdanynda 90 birlik tehnıka men 360 jol jumysshysy ózderine tapsyrylǵan aýmaqty qardan tazartýǵa ázir tur. Onyń ishinde «kútý rejiminde» arnaıy 30 mashına daıyn. «Esil» aýdany – 187 birlik tehnıka men 543 jol jumysshy jasaqtalyp, «kútý rejiminde» arnaıy 78 birlik mashına jumysyn kútip tur. Al «Saryarqa» aýdany – 158 birlik pen 491 jol jumysshysy. Onyń ishinde «kútý rejıminde» arnaıy 41 birlik tehnıkasy bar.
Aıta ketý kerek, turǵyn úı-kommýnaldyq máseleler boıynsha, sonyń ishinde qar tazalaý boıynsha táýlik boıy iKomek monıtorıń jáne jedel áreket etý ortalyǵyna 109 nómirine qońyraý shalyp habarlasýǵa bolady.
Sondaı-aq, ótinishti nemese shaǵymdy ákimdiktiń resmı saıtyna da, www.astana.gov.kz, Telegram chat https://t.me/nursultanikomek109_bot iKOMEK109 mobıldik qosymshasynda, sondaı-aq +7-747-109-0-109 nómiri boıynsha Whatsapp ikomek109 chat-botynda qaldyrýǵa bolady.
