Qudyqtardaǵy qaqpaqtar urlanbas úshin elorda ákimdigi testilik rejımde qaqpaqtardyń ashylýyn ǵana emes, olardyń onlaın rejıminde qozǵalýyn da tirkeıtin dachıkterdiń jumysyn zerttep jatyr. Osyndaı smart dachıkter birqatar qudyqtarǵa ornatylǵan.

Dachıkterdiń jumys prınsıpi olardyń koordınattar júıesinde ornalasýyn baǵdarlamalaýǵa negizdelgen. Koordınattar júıesi 10 jáne odan da kóp gradýsqa aýytqyǵan kezde dachık aqparattyq júıede, sondaı-aq Telegram mobıldi qosymshasynda kórsetiletin dabyl sıgnalyn beredi.

Qudyq qaqpaǵy urlanǵan jaǵdaıda, aqparattyq júıede onyń qozǵalys traektorıasy kórsetiledi. Dachıkti qaqpaqqa bekitý arqyly sý basýdan jáne bógde adamdardyń ony julyp áketýinen qorǵaıdy.

Osylaısha, bul júıe óziniń tıimdiligin kórsetip, quqyq qorǵaý organdarynyń kúshimen 2020 jyldyń 11 qyrkúıeginde shoıyn qaqpaqtardy urlaǵandar ustaldy. Aqparattyq júıege qaqpaqtar qozǵalysynyń sıgnaly men traektorıasy, olardyń sońǵy ornalasqan jeri kórsetildi. Urlyq boıynsha 188-bap, 2-bólim 1-tarmaq boıynsha is qozǵaldy.