قۇدىقتارداعى قاقپاقتار ۇرلانباس ءۇشىن ەلوردا اكىمدىگى تەستىلىك رەجيمدە قاقپاقتاردىڭ اشىلۋىن عانا ەمەس، ولاردىڭ ونلاين رەجيمىندە قوزعالۋىن دا تىركەيتىن داچيكتەردىڭ جۇمىسىن زەرتتەپ جاتىر. وسىنداي سمارت داچيكتەر ءبىرقاتار قۇدىقتارعا ورناتىلعان.

داچيكتەردىڭ جۇمىس ءپرينسيپى ولاردىڭ كوورديناتتار جۇيەسىندە ورنالاسۋىن باعدارلامالاۋعا نەگىزدەلگەن. كوورديناتتار جۇيەسى 10 جانە ودان دا كوپ گرادۋسقا اۋىتقىعان كەزدە داچيك اقپاراتتىق جۇيەدە، سونداي-اق Telegram ءموبيلدى قوسىمشاسىندا كورسەتىلەتىن دابىل سيگنالىن بەرەدى.

قۇدىق قاقپاعى ۇرلانعان جاعدايدا، اقپاراتتىق جۇيەدە ونىڭ قوزعالىس تراەكتورياسى كورسەتىلەدى. داچيكتى قاقپاققا بەكىتۋ ارقىلى سۋ باسۋدان جانە بوگدە ادامداردىڭ ونى جۇلىپ اكەتۋىنەن قورعايدى.

وسىلايشا، بۇل جۇيە ءوزىنىڭ تيىمدىلىگىن كورسەتىپ، قۇقىق قورعاۋ ورگاندارىنىڭ كۇشىمەن 2020 جىلدىڭ 11 قىركۇيەگىندە شويىن قاقپاقتاردى ۇرلاعاندار ۇستالدى. اقپاراتتىق جۇيەگە قاقپاقتار قوزعالىسىنىڭ سيگنالى مەن تراەكتورياسى، ولاردىڭ سوڭعى ورنالاسقان جەرى كورسەتىلدى. ۇرلىق بويىنشا 188-باپ، 2ء-بولىم 1-تارماق بويىنشا ءىس قوزعالدى.