Elimizde muǵalimderge vaktsina saldyrý 1 naýryzda bastaldy. Búgin elordadaǵy №78 mektep-gimnaziiasynyń muǵalimderi erikti túrde vaktsina saldyrdy.
– Vaktsina halyqty qaýipti indetten saqtaidy. Biz aýrýdyń aldyn alý úshin egiletin vaktsina baryna qýanamyz. Aqpan aiynda meditsina qyzmetkerlerine vaktsina salyndy. Búgin kezekti túrde mektep muǵalimderine salýdamyz. Bul vaktsinany qazir salamyz jáne 21 kúnnen soń ekinshi márte qaitalaimyz. Eń aldymen salýdyń aldynda qabyldaýshydan saýalnama alyp, meditsinalyq qaraýdan ótkizemiz. Sondai-aq asqyný men qarsy kórsetkishterdi túsindirip ótemiz, – dedi «Salaýatty Astana» emhanasynyń dárigeri Maikamal Eselbaeva.
Dárigerdiń aitýynsha, búgin erikti túrde 30 shaqty muǵalim vaktsina saldyrdy. Qabyldaǵandar ózderin jaqsy sezinýde. Eshqandai keri áseri baiqalmaǵan.
– Koronavirýs – álemdi alańdatyp otyrǵan derttiń biri. Nur-Sultan qalasyndaǵy mektepter arasynda koronavirýsqa qarsy ekpe jumystary júrip jatqanyn bilip, óz erkimmen saldyrdym. Vaktsina alǵan soń ózimdi jaqsy sezinip turmyn. Eshqandai ózgeris baiqaǵan joqpyn. Mektep ustazdary oqýshylardyń densaýlyǵyn oilap, qaýipsizdik maqsatynda vaktsina saldyrǵan durys dep oilaimyn, – deidi №78 mektep muǵalimi Gúliza Sársembaeva.
