Janar Baimuhambetova altyn qursaqty ana. 9 balany dúniege ákelgen ol qazir osy ortalyqtaǵy tigin tsehynda eńbek etedi. «Tapqan tabysym bala-shaǵamdy asyraýǵa jetkilikti» deidi kóp balaly ana. Buryndary jumyssyz júrgen Janardy ózi sekildi analar osynda shaqyrǵan. Qazir «eki qolǵa bir kúrek» ustaǵan ol, qyz jasaýy men túrli buiymdar tigýdi meńgerip alypty.
– Eshqandai jumystan qashpaimyz. Qandai jumys bolsa, sony isteýge tyrysamyz. Bul jerdiń bizderge bereri kóp. Óitkeni bul jerde altyn qursaqty analarymyz bas qosady. Bir-birimizge kómektesemiz. Sózben bolsa da, ispen bolsa da kómek-qoldaýymyzdy aiamaimyz. Búginde basty maqsatymyz qolymyzdan keletin qazaq qol ónerin damytý jáne otandyq ónimdi órkendetý, – deidi Janar Baimuhambetova.
Áleýmettik osal toptarmen jumys isteitin bul ortalyqta onnan asa ana jumys isteidi. Olardyń ár qaisysyna júktelgen óz mindeti bar. Biri tigin tikse, endi biri daiyn ónimdi ótkizýmen ainalysady. Qazir kóp balaly analardyń qolynan shyqqan zattarǵa suranysta bar.
Al altyn qursaqty analar jumysta bolǵan kezde olardyń ul-qyzdary úide bilim men tárbieden alystamas úshin arnaiy bilim berý ortalyǵy da ashylǵan. Qazir munda 90 nan astam bala kelip bilim alady. Ortalyq qurǵan Uljan Myrzageldieva aǵylshyn tili men dombyra tartýdy úirenýge ynta tanytqan jastardyń qatary kóp ekenin alǵa tartty.
– Oqý ortalyǵynyń basty maqsaty kóp balaly otbasylardyń balalaryna tegin bilim berý. Mundai otbasylardyń balalaryna kómek berý sebebimiz olardyń jaǵdaiy qosymsha oqytýǵa jaǵdaiy kele bermeidi. Biz qoldap, karantin talaptaryn saqtai otyryp balalarǵa jaǵdai jasaýdamyz, – dedi Uljan Myrzageldieva. «Biz úide 5 balamyz. Meniń osy jerge kelip dombyrany úirene bastaǵanyma 2-3 ai boldy. Qosymsha aǵylshyn oqimyn. Maǵan ortalyq unaidy» deidi Ásem Mámethan.
Qazirgi tańda elordada ashylǵan 8 ortalyqta júzden asa qyz-kelinshekter jumyspen qamtyp otyr. Al mamandyǵy sai kelmeitin keibir kóp balaly analar qaita daiarlaý kýrsynan ótýde.
– Jumystyń eń maqsaty analarǵa balyq bermei qarmaq berý. Jumyspen qamtamasyz etý. Bul analardyń yntasy, ákimdiktiń emes. Solardyń yntasyn júzege asyryp, solardyń bastamalaryn qoldap kei jerlerde ǵimaratpen, jihazben kómektesip keide túrli baǵyt berip osy ortalyqtardyń jandanýyna kómektesýdemiz. Mundai ortalyqtardyń jumysyn júielendirý úshin aldaǵy ýaqytta «bir tereze» qaǵidaty boiynsha qyzmet kórsetý jobasy josparlap otyrmyz.
Eń basty maqstamyz halqymyzdyń sanyn kóbeitip, demografiiaǵa úles qosqan altyn qursaqty analar men erekshe qajettilikteri bar balalardy tárbielep otyrǵan jandarǵa qoldaý kórsetý bolyp tabylady, – deidi Nur-Sultan qalalyq ishki saiasat basqarmasynyń basshysy Dáýren Babamurat.
