– Elordada kezekti biregei ortalyq ashyldy! Erekshe qajettilikteri bar balalardy tárbielep otyrǵan otbasylar úshin «Baqytty shańyraq» ortalyǵy (R.Qoshqarbaev dańǵyly, 60) óz esigin aiqara ashyp otyr. Bul – qalamyzdaǵy tórtinshi ortalyq. Onyń ereksheligi – múmkindigi shekteýli balalarǵa ǵana emes, olardyń analaryna da qajet kómek túrleri kórsetiledi, – dedi qala basshysy.
Ortalyqta erekshe kútimdi qajetsinetin balalardyń analaryna qaita bilim alý, biliktiligin arttyrý kýrstarynan ótý, jumysqa ornalasý boiynsha jerdem beriledi. Budan basqa psihologiialyq kómek te kórsetiletinin ata ketýimiz kerek. «Baqytty shańyraq» ortalyǵy múmkindigi shekteýli 600-den astam balany qamtidy.
– Memleket basshysynyń tapsyrmasy boiynsha erekshe qajettilikteri bar balalarǵa jan-jaqty jaǵdai jasaý isine erekshe kóńil bólip kelemiz. Sońǵy jyldary elordada ońaltý ortalyqtarynyń jelisi aitarlyqtai artty. Búginde qalamyzda 15-ten astam ortalyq ashylyp, 4 myńǵa jýyq múmkindigi shekteýli balaǵa qoldaý kórsetilýde. Ońaltý ortalyqtary men kómek kórsetý ortalyqtary erekshe balalardyń ata-analary úshin aýadai qajet. Sebebi mundai ortalyqtar balanyń densaýlyǵyn jaqsartýǵa jáne olardy áleýmettendirýge kómektesedi, – dep Altai Kólginov áleýmettik nysannyń mańyzy jaiynda aityp berdi.
Sonymen qatar bas qalada biliktilikti arttyrý jáne jumysqa ornalastyrý máselesine arnalǵan ortalyqtar, belsendi uzaq ómir súrý ortalyǵy (Ardagerler úii), áleýmettik ortalyqtar («Januia» otbasy institýtyn qoldaý ortalyǵy), kórý qabileti buzylǵan balalarǵa arnalǵan mamandandyrylǵan balabaqsha (Saryarqa aýdany, Kenesary kóshesi 9/1) ashylǵanyn aita ketýimiz kerek.
