Senbilik aiasynda qala aýmaǵyn qys mezgilinen keiin tazalaý, rekreatsiialyq aimaqtardy, saiabaqtardy, skverlerdi, aýlalardy, sondai-aq saýda obektilerine, qoǵamdyq tamaqtaný oryndaryna jáne basqa da uiymdarǵa irgeles aýmaqtardy tazalaý josparlanyp otyr.
Qatysýshylardy shantstyq quraldarmen, sonyń ishinde kúrektermen, tyrmalarmen, qolǵaptarmen jáne qoqysqa arnalǵan qaptarmen qamtamasyz etiledi.
Ákimdik qalanyń barlyq kásiporyndaryn, PIK-terdi, shaǵyn jáne orta biznes sýbektilerin, volonterler men nemquraily emes azamattardy eko-aiǵa qosylýǵa jáne tazalaýǵa shyǵýǵa shaqyrady.
Jalpyqalalyq senbilik aiasynda úsh myńǵa jýyq aǵash otyrǵyzý josparlanǵan.
«Almaty» aýdanynyń turǵyndary kelesi mekenjailar boiynsha aǵash otyrǵyzýǵa qatysa alady:
Qazaq drama teatrynyń aýmaǵynda. Qýanyshbaev dańǵylynda, Qoshqarbaev dańǵylynda (Táýelsizdik dańǵylynan S.Nurmaǵanbetov kóshesine deiin), Esil ózeniniń boiyndaǵy saiabaqta I. Panfilov kóshesinde, Amanjolov kóshesinde (Qoshqarbaev dańǵylynan Baitursynuly kóshesine deiin), Momyshuly dańǵylynda (Toqpanov kóshesinen Sátpaev kóshesine deiin).
«Baiqońyr» aýdany boiynsha Táshenov kóshesi, Áskeri-tarihi murajaida, «Atatúrik» saiabaǵynda, «Muǵalimder» jáne «Jazýshylar» gúlzarlarynda aǵashtar otyrǵyzylady.
«Esil» aýdanynda aǵashtar Botanikalyq baqta, Jelilik saiabaqta, Q.Muhamedhanov kóshesinde (Sh. Aitmatov kóshesinen Turan dańǵylyna deiin), Triýmfaldy arka aýdanynda jáne Aqmeshit kóshesinde (EHRO aýdany) otyrǵyzylady.
«Saryarqa» aýdanynda kóshelerdi ǵana emes, turǵyn úi alaptaryn da kógaldandyrady. Mysaly,"Kóktal-2" turǵyn alabyndaǵy Ulytaý kóshesiniń boiynda jáne «Kóktal-1» turǵyn alabyndaǵy «Kóktal» saiabaǵynda jasyl jelekter otyrǵyzylady. Sondai-aq, «Óz aǵashyńdy otyrǵyz» aktsiiasy aiasynda aýdan turǵyndarymen, kásiporyndar men uiymdardyń eńbek ujymdarymen 54 aýla aýmaǵynda jappai aǵash otyrǵyzý josparlanǵan.
Esterińizge sala keteiik, jalpyqalalyq senbilikterdiń negizgi maqsaty qoǵamnyń nazaryn qala kóshelerinde tazalyqty saqtaý jáne ekologiialyq mádenietti qalyptastyrý máselelerine aýdarý bolyp tabylady.
Qala turǵyndary men uiymdary kósheler men aýlalardy abattandyrýdy jaqsartýǵa óz úlesterin qosa alady.
Aita keteiik, «Birge – taza Qazaqstan» respýblikalyq aktsiiasy aiasynda elordada apta saiynǵy senbilikterge 80 myńnan astam adam, 10 myń kásiporyn men uiym qatysady dep kútilýde. Ekologiialyq aktsiia barysynda jalpy aýdany 5,5 mln m2 astam saiabaqtar men gúlzarlar tazartylyp, 12 myńnan astam kóshet otyrǵyzylady.
