Elordada 4-5 qazan kúnderi Batys Qazaqstan jáne Qostanai oblystarynyń taýar óndirýshileriniń qatysýymen óńirlik aýyl sharýashylyǵy jármeńkesi ótedi,- dep habarlaidy Dalanews.kz
Jármeńkede fermerler et, balyq, sút ónimderi, kókónis, jemis-jidek jáne basqa da azyq-túliktiń alýan túrin usynady.
Astanaǵa jalpy kólemi 500 tonnaǵa jýyq ónim jetkiziledi. Onyń ishinde 130 tonna et jáne et ónimderi, 90 tonna kókónis pen jemis, 90 tonna un jáne makaron, 50 tonna bal, 35 tonna sút ónimderi, shamamen 100 tonna basqa da taýarlar bar.
Jármeńkege kelgender sapaly ónimdi tikelei óndirýshilerden satyp ala alady. Sondai-aq aimaqtardan kelgen shyǵarmashylyq ujymdardyń kontserttik baǵdarlamasy usynylady. Saýda alańy saǵat 09:00-den 18:00-ge deiin jumys isteidi.
Eske sala keteiik, biylǵy jármeńkeler «Qazanat» ippodromynyń avtoturaǵynda (Qarqaraly tasjoly, 1) ótip jatyr. Is-shara kezinde jármeńke ornyna №18, №37 jáne №303 baǵytyndaǵy avtobýstar qatynaidy.
