Baǵdarlama aıasynda Nur-Sultan qalasy boıynsha balalar men jasóspirimder 59 túrli úıirmege tegin qatysý múmkindigine ıe.
Shyǵarmashylyq úıirmeler boıynsha memlekettik tapsyrys operatory retinde «Nur-Sultan qalasynyń Mádenıet basqarmasy» MM qyzmetin júzege asyrady.
– Memlekettik shyǵarmashylyq tapsyrystyń jetkizýshileri retinde kez kelgen JK (jeke kásipkerlik) jáne menshik nysanyna qaramastan Qazaqstanda zańnamasynda belgilengen sapaly jumysqa daıyn zańdy tulǵalar qatysa alady. Qyzmetti alýshylar 4 jastan 17 jasqa deıingi balalardyń zańdy ókilderi bolyp sanalady. Bul úıirmeler balalardyń kúndelikti bos ýaqytyn uıymdastyrýǵa baǵyttalǵan jáne balalar men jasóspirimderdiń barlyq mádenı qajettilikterin eskeredi, – dedi spıker.
Qyzmetti azamattar artsport.edu.kz portaly arqyly ala alady, bul qyzmet kórsetýshiler men balasy úıirmege qatysqysy keletin ata-analardy biriktiredi. Saltanat Mýksımova portalmen qalaı jumys isteý kerektigi týraly da aıtyp berdi.
– Zańdy ókil artsport.edu.kz portalyna tirkeledi, ary qaraı ata-ana balasy jaıyndaǵy derekterdi eńgizip, odan ári «meniń ótinimderim» bóliminde ózine qajetti baǵytty belgilep, karta arqyly úıirmeniń eń yńǵaıly ornyn tańdaıdy. Karta arqyly sol nemese basqa aımaqtyń operatory maquldaǵan jetkizýshiniń derekterin kóre alasyz. Ata-analar vaýcher alýǵa ótinish bergennen keıin operatormen baılanysýy kerek (eger operator sizge habarlaspaǵan bolsa) jáne oǵan shart jasasý úshin barlyq qajetti qujattardy usynýy kerek, – dedi ol.
