Qoǵamdyq densaýlyq saqtaý basqarmasynyń basshysy Sáýle Qısyqova elordadaǵy densaýlyq saqtaý salasynyń ótken jyldaǵy kórsetkishterine oń baǵa berdi.
– 2018 jylmen salystyrǵanda aýrýshańdyq 9,3%-ǵa, jalpy ólim-jitim 2,5%-ǵa tómendedi. Ana men bala óliminiń aıtarlyqtaı tómendeýi baıqalady, bala týý kórsetkishi artty. Buǵan qaterli isikter kezinde medısınalyq kómek kórsetýdiń ıntegrasıalanǵan modelin engizý sońǵy kezekte áser etken joq. Sondaı-aq, sozylmaly aýrýlar kezinde emdeý men dári-dármekpen qamtamasyz etý atalmysh kórsetkishterdiń azaıýyna sebep boldy. Nátıjesinde, týberkýlezben aýyrý 8,3%-ǵa, týberkýlezden ólim-jitim 54%-ǵa azaıdy. Balalar arasynda týberkýlezben aýrý 19%-ǵa tómendedi, – dedi Sáýle Qısyqova.
Búgingi tańda Nur-Sultan qalasynda bastapqy sanıtarlyq-medısınalyq kómekti kórsetetin 31 uıym jumys atqarady. 2019 jyly 12 «Qoljetimdi dáriger» jobasy, jáne «Kópbeıindi medısınalyq ortalyǵynda» «Insýlt ortalyǵy» ashylǵan bolatyn. 2018 jylmen salystyrǵanda ınsýlt ortalyqtarynda emdelgen adamdardyń kórsetkishi kóbeıgen.
Qazaqstanda aǵymdaǵy jyldyń 1 qańtarynan bastap Mindetti áleýmettik medısınalyq saqtandyrý júıesin engizý alqa otyrysynda talqylanǵan mańyzdy taqyryptardyń biri boldy. Qoǵamdyq densaýlyq saqtaý basqarmasy basshysy MÁMS shetelderde keńinen qoldanylatyn ozyq tájirıbe ekendigin, júıeniń bizdiń elde de jaqsy nátıje beretindigin atap ótti.
Statısıkalyq málimetterge sáıkes, 1 qańtarda 1 162 878 astanalyq emhanalarǵa tirkelgen. 2020 jyly MÁMS aıasynda 8,1 mlrd teńge qarastyrylǵan.
Otyrysta sondaı-aq elimizdiń densaýlyq saqtaý salasyn keshendi damytýǵa baǵyttalǵan «Densaýlyq 2020-2025» baǵdarlamasy talqylandy. Qazaqstandyqtardyń densaýlyǵyn nyǵaıtý maqsatynda medısınalyq mekemeler qyzmetiniń nátıjelerin jaqsartý qajettiligimen qatar, atalǵan baǵdarlamada medısına qyzmetkeriniń mártebesin arttyrýǵa jáne mamandar úshin halyqaralyq talaptar men standarttarǵa sáıkes jaǵdaılar jasaýǵa úlken kóńil bólinedi.
Materıaldyq-tehnıkalyq bazany únemi jańartýmen qatar, medısına uıymdarynyń basshylary kadr tapshylyǵy máselesin kóterdi. Ótken jyly dárigerler tapshylyǵy 494 birlikti qurady, onyń ishinde mamandyqtar boıynsha: jalpy praktıka dárigerleri – 107, pedıatrlar – 36, terapevter – 52, akýsher-gınekologtar – 42, anestezıolog-reanımatologtar – 41, kardıologtar – 16, psıhıatrlar – 3, onkologtar – 16, neonatologtar – 28 jáne basqalar.
Osy máseleni sheshý maqsatynda 2019 jyly elordalyq Densaýlyq saqtaý uıymdaryna 217 jas maman jumysqa ornalastyryldy. Medısına kadrlardyń tapshylyǵy 44%-ǵa tómendedi, onyń ishinde jalpy praktıka dárigerleri – 41%-ǵa, pedıatrlar – 36,1%-ǵa, terapevter – 42,3%-ǵa, akýsher – gınekologtar – 69%-ǵa, anestezıolog-reanımatologtar – 22%-ǵa, kardıologtar – 56,3%-ǵa, neonatologtar – 3,6%-ǵa tómendedi.
Bahtıar Máken otyrysqa qatysýshylardy kadr tapshylyǵy máselesin qarastyryp, medısınalyq uıymdary basshylarynyń osy máseleni sheshýge atsalysý qajettigin eskertti.
«Medısınalyq uıymdardyń basshylyǵy bul máselege beı-jaı qaramaý qajet. Biz birlesip medısınalyq mekemelerge jas mamandardy tartýdyń júıeli mehanızmderi men ádisterin sheshýimiz tıis», – dedi ol.
Sóz sońynda ákim orynbasary barlyq medısına qyzmetkerlerine halyqpen keri baılanys jasap, sapaly qyzmet kórsetýdi tapsyrdy.
Taǵyda oqyńyz:
https://dalanews.kz/49734
