Úkimet medısınalyq kómektiń sapasyn basqarýdy jetildirý jónindegi 2026–2030 jyldarǵa arnalǵan keshendi jospardy bekitti. Tıisti qaýlyǵa premer-mınıstr Oljas Bektenov qol qoıdy, dep habarlaıdy Dalanews.kz.
Qujat derekterge, sıfrlyq quraldarǵa, jasandy ıntellekt tehnologıalaryna negizdelgen medısınalyq qyzmet sapasyn baqylaýdyń jáne basqarýdyń zamanaýı úlgisine kóshýge baǵyttalǵan.
Jospar medısınalyq kómektiń sapasy men qaýipsizdigin turaqty túrde jaqsartýǵa, prosesterdiń ashyqtyǵyn qamtamasyz etýge jáne retteýdiń tıimdiligin arttyrýǵa baǵyttalǵan birqatar júıeli sharany júzege asyrýdy qamtıdy.
Qujatta júıeni damytýdyń tórt strategıalyq baǵyty anyqtalǵan:
- medısınalyq qyzmet kórsetý salasyndaǵy retteýshi quraldardy jańǵyrtý;
- jasandy ıntellekt tehnologıalaryn qoldana otyryp, sapa saraptamasynyń jańa modelin qalyptastyrý jáne Ulttyq sapa ınstıtýtyn qurý;
- kásibı medısınalyq qoǵamdastyqtyń rólin kúsheıtý;
- sapany basqarý júıesiniń sıfrlyq transformasıasy.
Keshendi jospardy júzege asyrý nátıjesinde 2030 jylǵa qaraı medısınalyq qyzmetter sapasynyń negizgi kórsetkishterin jaqsartý kózdelip otyr.
