«Share» halyqaralyq jobasyn júzege asyrý aıasynda aǵymdaǵy jyldyń 1-7 jeltoqsany aralyǵynda Kembrıdj qalasynda Bottisham Village College, Sawston Village College jáne Kembrıdj ýnıversıtetiniń bilim berý fakúltetinde refleksırleýshi praktık muǵalimderdiń qatysýymen birneshe paıdaly workshop-tar ótti.
Halyqaralyq jobaǵa elordalyq № 37, 58, 59, 67, 76 mektepteriniń muǵalimderi men Bilim berýdi jańǵyrtý ortalyǵynyń ádiskerleri qatysqan bolatyn.
Shara barysynda mektep ómiri, mádenıeti, qundylyqtary, kózqarasy, mısıasy jáne zertteý qyzmeti, mektep pedagogtaryn oqytý jáne oqytý tájirıbesin jetildirý týraly dárister oqytyldy.
Sondaı-aq, ustazdar refleksıvti zertteý qaýymdastyǵyn qurý, ózgeristerdi basqarý, ózgeristerdi zertteýdiń jáne is — árekettegi tájirıbeni zertteýdiń negizgi prosesteri (Action research) sekildi máselerdi talqylady.
Odan bólek, muǵalimder psıholog-zertteýshiler Kollın Maklaflın men Keıt Evanspen kezdesip, suraqtaryna mazmundy jaýaptardy aldy.
İs-shara barysynda 2020 jyldyń 20-21 qańtarynda Nur-Sultan qalasynda ótetin aldaǵy workshop baǵdarlamasy talqyǵa salyndy.
Taǵy oqyńyz:
https://dalanews.kz/48495
