Bir kún buryn meditsina qyzmetkerleri úshin Petr Chaikovskiidiń áigili «Evgenii Onegin» operasy uiymdastyryldy. Qaiyrymdylyq aktsiiasyn Nur-Sultan qalasynyń ákimdigi Mádeniet jáne sport ministrligimen jáne «Astana Opera» teatrymen birlesip uiymdastyrdy.
– Ótken jyl bárimiz úshin qiyn jyl boldy. Osy ýaqyt ishinde eshqaida shyqpadyq, eshkimmen aralaspadyq. Moinymyzǵa tek jumys qana júkteldi. Teatrǵa kelip, qoiylym tamashalaý óte unady. Kópten beri ańsap júrgen emotsiialarǵa bólendik. Rýhani azyq alyp, demalyp qaldyq, – dedi dáriger Zinat Qudaibergenova.
– Jumystan keiin barlyq qiyndyqty bir sátke esten shyǵaryp, demalyp qaldyq. Osyndai keremet qoiylym uiymdastyrǵany úshin alǵysym sheksiz, – dep atap ótti dáriger Lola Úitqybaeva.
Osylaisha, teatr ártisteri koronavirýspen kúreste aldyńǵy shepte júrgenderdiń bárine alǵystaryn bildirdi. Atalǵan is-sharalar sanitarlyq normalardy qatań saqtai otyryp ótti.
https://www.youtube.com/watch?v=U2BxEjIaov8&feature=emb_logo
