Jylyna 1 aǵash aýany 27 keli lastanýdan tazartady. «Birge Taza Qazaqstan» ekologıalyq aılyǵy aıasynda elorda turǵyndary tazalyq pen densaýlyqqa qamqorlyq jasaı otyryp, «Óz aǵashyńdy otyrǵyz» chellendjin iske qosty, , – dep habarlaıdy Dalanews.kz Nur-Sultan qalasy ákimdiginiń resmı saıtyna silteme jasap.

Jylyna 1 gektar japyraqty aǵash 100 tonnaǵa deıin shań jınaıdy. Osyny basshylyqqa alyp, elorda turǵyndary «aǵash otyrǵyz» chellendjin qolǵa aldy. Bul bastamany qalalyq qyzmet kórsetý uıymdary – PIK jáne MIB belsendi qoldady.

Azamattar kóshetter satyp alyp, óz aýlalarynda, úıiniń janyna otyrǵyzýda.

Eske sala keteıik, elordanyń barlyq aýdanynda «Birge – Taza Qazaqstan» ekologıalyq aılyǵy ótip jatyr. Ákimdik óz tarapynan Memleket basshysynyń tapsyrmasy boıynsha saıabaq aýmaqtaryn, turǵyn úı alaptary men aýlalardy ǵana emes, qalanyń kórikti jerlerin de jappaı kógaldandyryp jatyr.

Qalany jappaı kógaldandyrý ekologıany jaqsartyp qana qoımaı, qala turǵyndary serýendeıtin oryn qurýǵa, sonymen qatar qalanyń klımattyq jaǵdaıyn jaqsartýǵa múmkindik beredi.