lordada «SHARE» pılottyq jobasy iske qosyldy. Úsh kúndik semınar barysynda sheteldik qonaqtar «mektep kórinisi», «bilim berýdegi kóshbasshylyq», «is-árekettegi praktıkany zertteý» sesıalaryn ótkizedi, oqýshylarmen kezdesip, bilim berý júıesiniń tájirıbesimen bólisedi.
Jobaǵa qalanyń 5 mektebi qatysýda. Qala ákimi Altaı Kólginov sheteldik tájirıbe almasý – álemdik trend, «tek bilim arqyly ǵana tabysqa jetýge bolady» dep atap ótti.
– Sizder jańa ádisteme arqyly bilim alyp, biliktilikterińizdi arttyrý úshin qolaıly jaǵdaı jasaımyz. Sizdiń mártebeńiz oqytý sapasyna tikeleı baılanysty. Eger bala tańerteń mektepke asyq bolsa, asa qýanyshpen sabaq oqysa – bul sizdiń jetistigińiz. Mektep dırektory qandaı ımpúls pen baǵyt berse, mektep te sondaı bolmaq. Elordada halyq sanynyń ósýi baıqalady, onyń ishinde oqýshylar sany ósýde. Balalardyń bolashaǵy, olardyń bilimi sizderge baılanysty, – dep atap ótti A. Kólginov.
Elorda ákimi tájirıbe almasý boıynsha osyndaı jobalar basqa mektepterde de ótkiziletinin atap ótti.
