Naýqan kezinde qaıyrymdylyq sharasyna qatysqan takısler aıazdy kúnderi turǵyndardy qala boıynsha tegin tasymaldady. Aksıaǵa 20 júrgizýshi qatysty. Osy rette júrgizýshi retinde meshitterdiń ımamdary men shákirtteri qatysty.
– Mundaı aksıalardy birneshe jyldan beri ótkizip kelemiz. Astananyń aıazdy kúnderinde azamattarymyzǵa qol ushyn sozǵymyz keledi. Basqa júrgizýshilerdi de aksıaǵa qosylýǵa jáne turǵyndarǵa kómektesýge shaqyramyz, – dedi Astana qalasynyń jáne «Áziret Sultan» meshitiniń bas ımamy Erbolat Júsipov.
Al eriktiler jol jumysshylaryna ystyq shaı men palaý taratty. Komýnaldyq uıymdardyń 200-ge jýyq qyzmetkeri qamtyldy. Jumysshylardyń barlyǵy – qala boıysha qar kúrep, tazalyqpen aınalysyp júrgen jumysshylar.
Sonymen qatar jylytý maýsymynyń sońyna deıin demeýshilik kómek arqyly meshit birqatar otbasyǵa kómir satyp alýyna qol ushyn sozyp, azyq-túlik sebetterimen qamtamasyz etti.
Turǵyndardy tegin tasymaldaý naýqany aıazdy kúnderdiń sońyna deıin jalǵaspaqshy. Tegin taksılerdi avtomobıl korpýsyndaǵy japsyrma arqyly ajyratýǵa bolady.
Esterińizge sala keteıik, dál qazir Astanany sarshunaq aıaz qysyp tur. Termometr baǵany – 30 gradýstan tómen kórsetýde.
Qalanyń komýnaldy qyzmetteri kúndiz-túni toqtaýsyz jumys isteýde. Mundaı kezeńde qala turǵyndary men qonaqtary abaı bolýy kerek. Sonymen qatar kóktaıǵaq kezinde qozǵalys erejelerin qatań saqtaýdyń mańyzy zor.
