Ulttyq baiandamany oryndaý maqsatynda jáne «Erte kásiptik baǵdar berý» jobasy aiasynda 2024 jyldan bastap elordanyń 50 mektebinde «Pedagogikalyq synyp» beiini boiynsha oqytý júrgizilip jatyr,- dep habarlaidy Dalanews.kz
Oqytý «Qonaqtardan dáris» formatynda ótti. Pedagogikalyq synyptarda Astana halyqaralyq ýniversiteti jáne A.Q. Qusaiynov atyndaǵy Eýraziia gýmanitarlyq institýtynyń oqytýshylary dáris beredi.
Atalǵan synyptarda mektepterdiń pedagogikalyq mamandyqqa qyzyǵýshylyq tanytatyn 9-11 synyp oqýshylary bilim alady.
«Pedagogikalyq synyp» beiini boiynsha erte kásiptik baǵdarlaý – bul maqsatty kásiptik-pedagogikalyq baǵdarlaý jáne pedagogikalyq qyzmetke turaqty qyzyǵýshylyqty qalyptastyrý.
Sonymen qatar, «Jumysshy mamandyqtar» jyly aiasynda 2025 jylǵy qańtar aiynyn bastap Servis (tamaqtandyrýdy uiymdastyrý, tehnikalyq qyzmet kórsetý), dizain, tigin óndirisi, temirjol kóligi, IT, pedagogika, meditsina baǵyttary boiynsha «100 beiindi synyp» jobasy iske qosyldy.
Astana qalasy Bilim basqarmasy basshysynyń buiryǵyna sáikes, árbir baǵyt boiynsha tehnikalyq jáne kásiptik bilim berý uiymdary men beiindi oqytýdy júzege asyratyn jalpy bilim beretin mektepter bekitildi.
Jobaǵa 7 JOO (L.Gýmilev atyndaǵy Ulttyq Eýraziia ýniversiteti, Q.Qulajanov atyndaǵy Qazaq tehnologiia jáne biznes ýniversiteti, S.Seifýllin atyndaǵy Qazaq agrotehnikalyq ýniversiteti, Astana IT University, «Astana» meditsina ýniversiteti, M.Tynyshpaev atyndaǵy ALT Ýniversiteti, «Astana» halyqaralyq ýniversiteti), Astana qalasynyń 21 kolledji men 70 mektebi qatysady.
Beiindi 8-11 synyptarda barlyǵy 2892 bilim alýshy qamtyldy, onyń ishinde kelesi baǵyttar boiynsha:
1. Servis (tamaqtandyrýdy uiymdastyrý) – 25 synyp ashyldy, bilim alýshylar sany – 545, onyń ishinde memlekettik tilde – 300, orys tilinde – 245.
2. Servis (tehnikalyq qyzmet kórsetý) – 4 synyp, bilim alýshylar sany – 88, onyń ishinde memlekettik tilde – 58, orys tilinde – 30.
3. Dizain – 12 synyp, bilim alýshylar sany – 290, onyń ishinde memlekettik tilde – 80, orys tilinde – 210.
4. Tigin óndirisi – 13 synyp, bilim alýshylar sany – 316, onyń ishinde memlekettik tilde – 279, orys tilinde – 67.
5. Temirjol kóligi – 5 synyp, bilim alýshylar sany – 121, onyń ishinde memlekettik tilde – 91, orys tilinde – 30.
6. IT – 9 synyp, bilim alýshylar sany – 156, onyń ishinde memlekettik tilde – 83, orys tilinde – 73.
7. Pedagogikalyq – 50 synyp, bilim alýshylar sany – 1064, onyń ishinde memlekettik tilde – 919, orys tilinde – 145.
8. Meditsina – 12 synyp, bilim alýshylar sany – 282, onyń ishinde memlekettik tilde – 158, orys tilinde – 124.
2025 jylǵy 1 aqpanda kolledjder mekteptermen kelisilgen taqyryptyq josparlar ázirledi. Beiindi synyptardyń ár baǵytyna Astana qalasynyń ádistemelik ortalyǵynyń jaýapty ádiskerleri bekitildi. Beiindi synyptardaǵy sabaqtardy 170 arnaiy pán oqytýshylary men óndiristik oqytý sheberleri júrgizedi. Sabaqtardy ótkizý formalary: dárister, sheber-synyptar, ekskýrsiialar, treningter, jobalyq jumystardy qorǵaýmen dóńgelek ústel, slet jáne basqalar.
Beiindi synyptardyń jumysyna kolledjderdiń áleýmettik seriktesteri jumyldyrylǵan. Monitoring júrgizý jáne ádistemelik kómek kórsetý maqsatynda beiindi synyptardaǵy sabaqtarǵa qatysý, bilim alýshylar arasynda saýalnama júrgizý kózdelgen.
Sondai aq, beiindi jumyspen erekshe bilim berý qajettiligi bar bilim alýshylarda qamtyldy. Atap aitqanda, kásiptik baǵdarlaý boiynsha sabaqtan tys qyzmetti uiymdastyrý maqsatynda Astana qalasynyń ár aýdandary boiynsha pilottyq mektepter (№8,23,65,71,79,83,89,96) iriktelinip alyndy.
2023 jyly atalǵan baǵyttaǵy baǵdarlama qalalyq saraptamalyq keńeste qaralyp, bekitildi. Mektepterdiń materialdyq tehnikalyq bazasy eskerile otyryp, baǵdarlamada kórsetilgen úiirmelerdi ashýǵa erekshe bilim berý qajettiligi bar bilim alýshylardyń sany anyqtaldy. №23, 83 mektepterde «Tigin isi», «Aspaz isi» úiirmelerin mekteptiń shtattyq birligi negizinde júrgizý múmkindigi bar, al №65, 71, 96 mektepterde qosymsha úiirme ashý úshin saǵattar M.Ótemisov atyndaǵy jáne Ál-Farabi atyndaǵy oqýshylar saraiy esebinen alyndy jáne osy atalǵan mektep bazasynda ótedi.
Barlyq mekteptiń ata-analarymen jinalys ótip, «Meniń bolashaq mamandyǵym» eksperimenttik bilim berý baǵdarlamasynyń mazmuny túsindirildi. Atalǵan úiirmelerge bilim alýshylardyń ikemdiligine bailanysty toptar jasaqtalyp, tizim jáne oqý kestesi jasaldy. Bul úiirmege 13 jastan joǵary ártúrli jastaǵy balalar toptastyrylǵan.
Úiirmelerdi tehnologiia jáne aspazdyq kabinetterinde beiindi bilimi bar pedagogtar júrgizedi. Sabaqtar kestege sáikes aptasyna 2 ret 2 akademiialyq saǵattan ótkiziledi. Toptardyń tolymdylyǵy 6-7 adamnan turady. Bilim alýshylar beiini boiynsha bastapqy bilim men daǵdylardy igeredi.
Kásiptik baǵdar berý jumysy árbir bilim alýshyǵa naqty mamandyqty tańdaýǵa emes, sanaly, derbes kásibi tańdaýdy júzege asyrýǵa, óz tańdaýy úshin jaýapty jáne kásibi mobildi bolýǵa múmkindik beredi.
