Elorda ákiminiń orynbasary Berik Jákenovtiń tóraǵalyǵymen qala ákimdigi janyndaǵy Jastar isi jónindegi keńestiń otyrysy ótti.
– Búgin Jastar isi jónindegi keńestiń keńeitilgen otyrysy ótti. Kezdesý baǵdarlamasynda jańa Qazaqstandy qurýdaǵy Respýblikalyq referendýmnyń tártibi men mindetteri boldy. Jastarǵa aldaǵy referendýmnyń mańyzy týraly aqparat jetkizý mańyzdy. Óitkeni, Prezidentimiz aityp otyrǵan ashyq, estýshi jańa Qazaqstandy qurý jumysy bizdiń qolymyzda. Bul jumysta jastarǵa erekshe ról beriledi. Biz osyny bilip, odan da jaqsy ári belsendi jumys isteýimiz kerek. Ózim referendýmǵa qatysamyn. Ózgelerdi de úles qosýǵa shaqyramyn, – dep atap ótti «BIZ BIRGEMIZ» QB basshysy Perizat Qairat.
Kezdesý baǵdarlamasy aiasynda jalpy respýblikalyq referendým ótkizýdiń tártibi men mindetteri, konstitýtsiialyq reformanyń baǵyttary, jańa Qazaqstandy qurýdaǵy referendýmnyń mańyzy, elordada memlekettik jastar saiasaty salasynda atqarylǵan jumystar, elordalyq jastardy jumyspen qamtý máseleleri sekildi el úshin asa mańyzdy taqyryptar qaraldy.
– Elimizde ótetin referendým boiynsha túsindirme kezdesý, ózindik oi talqysy ótti. Bizde sailaýshylardyń jáne daýys beretin adamdardyń negizgi aýditoriiasy jastar bolǵandyqtan, oǵan erekshe nazar aýdaramyz. Ózim jastar ókili retinde osy referendýmnyń mańyzdylyǵyn túsinemin. Onyń ústine jańa Qazaqstanda osynyń bárin iske asyrý úshin jastar qajet.
Jaqsy ashyq talqylaý, pikirtalas ótti. Qyzyqty suraqtar boldy, ózim úshin qyzyqty aqparat aldym. Ózim de jastarǵa jaqsy aqparat bere aldym dep úmittenemin. Bizdiń jastar belsendi qatysady dep oilaimyn, óitkeni ol qazirdiń ózinde saiasi pisip-jetildi. Bizdiń jastar referendým kezinde belsendilik tanytady dep senemin. Bizdiń jastar belsendi qatysady dep oilaimyn, óitkeni ol qazirdiń ózinde saiasi pisip jetildi. Referendým kezinde jastarymyz belsendilik kórsetedi dep úmittenemin, – dep atap ótti Qazaqstan team respýblikalyq jastar birlestiginiń jetekshisi Oljas Súleimenov.
